சுகாதார அமைச்சினால் கல்வி அமைச்சிடம் ஒப்படைக்கப்பட்ட பாடசாகைளை மீண்டும் திறப்பதற்கான சுகாதார பரிந்துரைகளை நேரடியாக ஆளுநர்கள் மற்றும் மாகாண சுகாதார பணிப்பாளர்களிடம் சமர்ப்பிக்குமாறு சம்பந்தப்பட்ட அதிகாரிகளுக்கு நிதி அமைச்சர் பசில் ராஜபக்ச அறிவுறுத்தினார்.
கொவிட் தடுப்பு குழுவின் சிறப்பு கூட்டத்தில் இந்த அறிவுறுத்தலை அவர் விடுத்தார்.
வீடியோ தொழில்நுட்பம் மூலம் கூட்டம் நடைபெற்றது. யுனிசெஃப் மற்றும் இலங்கை குழந்தை மருத்துவர்கள் உள்ளிட்ட சர்வதேச அமைப்புகளும் பாடசாலைகளை திறக்க தடுப்பூசி முடியும் வரை காத்திருக்க வேண்டிய அவசியமில்லை என்று சுட்டிக்காட்டியுள்ளனர்.
குழந்தைகளின் கல்வி எந்த இடையூறும் இல்லாமல் பராமரிக்கப்படுவதை உறுதி செய்ய பாடசாலைகள் மற்றும் முன்பள்ளிகளை விரைவில் மீண்டும் திறக்க வேண்டும் என்றும் சரியான சுகாதார பரிந்துரைகளின் கீழ் நடவடிக்கை எடுக்க வேண்டும் என்றும் அவர்கள் சுட்டிக்காட்டினர்.
பெற்றோர்களின் அர்ப்பணிப்பும் கவனிப்பும் மிக முக்கியம் என்று சிறப்பு மருத்துவர்கள் கூறினர். பாடசாலையின் சுத்தம் மற்றும் கிருமி நீக்கம் செய்வதில் உள்ளூராட்சி அமைப்புகள் மற்றும் பிராந்திய மேம்பாட்டுக் குழுக்களின் நேரடி ஈடுபாட்டையும் பெற முடிவு செய்யப்பட்டது
.jpeg)
0 comments: