மட்டக்களப்பில் சிரேஸ்ட விரிவுரையாளர் க.ஞானரெத்தினம் அவர்களின் மணிவிழாவில் கல்வியிலாளர்கள் கௌரவிப்பு

Monday, September 21, 2020

 

இலங்கை திறந்த பல்கலைக் கழகத்தின் கல்விப் பீடத்தில் சிரேஸ்ட விரிவுரையாளரும், உலகில் உள்ள சேவைத்துறைகளிலே மிகவும் உன்னதமானதும் உத்தமமானதுமான ஆசிரியப் பணியைத் தெரிந்தெடுத்து அதனைச் சிறப்பாக ஆற்றி ஆயிரக்கணக்கான மாணவர்களுடைய வாழ்க்கைகளை அழகாக வனைந்து அவர்களை இந்தச் சமூகத்திலே நல்ல குடிமக்களாக்கி பெரிதான தாக்கத்தை ஏற்படுத்திக் கொடுத்துள்ள மட்டக்களப்பு மாவட்டத்தின் கல்வித் துறையில் தன் மாணாக்கரினதும் அவர்சார்ந்த சமூகத்தினதும் நன்மதிப்பினையும் பெற்றுக் கொண்ட கல்வியலாளர் திரு.கணபதிப்பிள்ளை – ஞானரெத்தினம் அவர்களுக்கான மகிடம் சூட்டல் நிகழ்வு விழாக்குழுத் தலைவர் திரு.எம்.பாலகிருஷ்ணன் அவர்களின் தலைமையில் மட்டக்களப்பு அஞ்ஞனா வைபவ மாளிகை அருட்சகோதரர்.கலாநிதி.S.A.I.மத்தியூ அரங்கில் 19.09.2020 ஆம் திகதி காலை 9.45 மணிக்கு நடைபெற்றது.

திரு.கணபதிப்பிள்ளை – ஞானரெத்தினம் அவர்கள் தனது 60 அகவையில் காலெடி எடுத்து வைத்துள்ளார். இத்தருணத்தில் இப் புலமையாளரின் பணிகளைப் பாராட்டி கௌரவிக்கும் வகையில் 'ஆசானுக்கு மகுடம் ' சூட்டல் நிகழ்வினையும், இதனை நினைவு கூறுமுகமாக திரு.கணபதிப்பிள்ளை – ஞானரெத்தினம் அவர்களின் பண்புயர்வான பணிகளையும் மாண்பினையும் வெளிக்கொணரும் வகையில் 'ஞானம்' என்ற பெயரில் வெளியீட்டு மலர் ஒன்றும் அவரிடம் கல்வி கற்றுப் பயன்பெற்ற மாணவர்களால் வெளியீட்டு வைக்கப்பட்டது.

அத்துடன் திரு.கணபதிப்பிள்ளை – ஞானரெத்தினம் அவர்களிடம் கல்வி கற்று தற்போது பொறியிலாளர்களாக உள்ளவர்களால் 'ஞானம் பவுண்டேசன்' எனும் புலமைப் பரிசில் நிதியமும் ஆரம்பிக்கப்பட்டு வைக்கப்பட்டுள்ளது. இந் நிதியத்தின் மூலம் மட்டக்களப்பு, அம்பாரை ஆகிய மாவட்டங்களில் கணிதத் துறையினை மேம்படுத்தவும் செயற்றிட்டங்கள் மேற்கொள்ளப்பட்டு வருகின்றன.

இந் நிகழ்வின் பிரதம விருந்தினராக பேராசிரியர் S.A. அரியதுரை அவர்கள் உபவேந்தர், திறந்த பல்கலைக்கழகம், இலங்கை. கௌரவ விருந்தினர்களாக திரு.M.K.M.மன்சூர், சிரேஸ்ட உதவிச் செயலாளர், மாகாணக் கல்வி அமைச்சு, கிழக்கு மாகாணம். Dr.C.அருள்மொழி, தலைவர், கல்வி,பிள்ளை நலத்துறை, கலை கலாசார பீடம், கிழக்குப் பல்கலைக் கழகம். திரு.M.I.M.நவாஸ், பீடாதிபதி, கல்வியல் கல்லூரி, மட்டக்களப்பு. திரு.K.புண்ணியமூர்த்தி,பீடாதிபதி, கல்வியல் கல்லூரி, அட்டாளைச்சேனை. Dr.S.M.ஜுனைதீன், பீடாதிபதி, பொறியியல் பீடம், தென்கிழக்குப் பல்கலைக்கழகம். Prof.P.பிரதீபன், பீடாதிபதி, விஞ்ஞான பீடம், கிழக்குப் பல்கலைக்கழகம். Prof.S.திருக்கணேஸ், கணிதப் பேராசிரியர், கிழக்குப் பல்கலைக்கழகம். ஆகியோர் கலந்து சிறப்பித்தனர்.

இவ் விழாவின் சிறப்பான அம்சமாக திரு.கணபதிப்பிள்ளை – ஞானரெத்தினம் அவர்கள் தான் பெற்ற கல்வித் துறைசார் அடைவுகளில் பெரும் பங்கு வகித்த பேராசியர்களும் கௌரவிக்கப்பட்டனர். இந்த வகையில் இந் நிகழ்வில் விசேடமாக பேராசிரியர் S.A. அரியதுரை, பேராசிரியர்.S.சந்திரசேகரன், பேராசிரியர் .P.C.பக்கீர் ஜபார், பேராசிரியர்.T.தனராஜ், பேராசிரியர்.M.செல்வராசா ஆகியோர் மகுடம் சூட்டி கௌரவிக்கப்பட்டனர்.

READ MORE | comments

தமிழர்களின் இரட்டைக்குடியுரிமை தொடர்பில் கோட்டாபய அரசாங்கத்திற்கு எச்சரிக்கை விடுத்த ஞானசாரர்!

Sunday, September 20, 2020

 

புலம் பெயர் தமிழர் அமைப்புக்கள் இரட்டைக் குடியுரிமை விவகாரத்தை, பிரிவினைவாத கொள்கையை செயற்படுத்த பயன்படுத்திக் கொள்வார்கள். ஆகவே இரட்டைக் குடியுரிமை விவகாரத்தை அரசாங்கம் மீள்பரிசீலனை செய்ய வேண்டும் என பொதுபலசேனா அமைப்பின் பொதுச் செயலாளர் கலகொட அத்தே ஞானசார தேரர் தெரிவித்துள்ளார்.

அத்துடன் விடுதலைப்புலிகள் அமைப்பு நாட்டில் இல்லாதொழிக்கப்பட்டாலும் அவர்களின் பிரிவினைவாத கொள்கை உலகம் முழுவதும் வியாபித்துள்ளது எனவும் அவர் தெரிவித்துள்ளார்.

இது குறித்து அவர் தொடர்ந்தும் தெரிவிக்கையில்,

சீனர்களும் இந்தியர்களும் எதிர்காலத்தில் இலங்கை நாடாளுமன்றில் உறுப்பினராக செயற்படுவார்கள் என்பதில் எவ்வித ஆச்சரியமும் கிடையாது. ஆகவே அரசாங்கம் இரட்டைக் குடியுரிமை விவகாரத்தை மீள்பரிசீலனை செய்ய வேண்டும்.

மேலும் இரண்டாம் குடியரசு யாப்பு இதுவரை காலமும் 20 சீர் திருத்தங்களுக்கு உள்ளாகியுள்ளது. பிரதான இரு கட்சிகளும் ஆட்சியமைக்கும் போது தங்களுக்கு தேவையான விதத்தில் அரசியலமைப்பினை திருத்தம் செய்து கொள்கிறார்கள். இதனால் அரசாங்கத்துக்கு நன்மை ஏற்பட்டுள்ளதே தவிர நாட்டுக்கு எவ்வித அபிவிருத்திகளும், மாற்றங்களும் ஏற்படவில்லை.

அரசியலமைப்பின் 17வது திருத்தத்துக்கு ஆதரவு வழங்கிய அரசியல்வாதிகள் 18வது திருத்தத்திற்கும், 19வது திருத்தத்திற்கும் ஆதரவு வழங்கினார்கள். அரசியலமைப்பின் 19வது திருத்தம் கடந்த காலங்களில் அரச மற்றும் சமூக மட்டத்தில் பிரதான பேசுபொருளாக காணப்பட்டது. 19வது திருத்தத்தை ஆதரித்த அரசியல்வாதிகள் அரசியல் தேவைகளுக்காக அதனை எதிர்க்கவும் ஆரம்பித்தார்கள். அது அரசியல்வாதிகளுக்கே உரித்தான தனித்துவ இயல்பு.

அரசியலமைப்பின் 19 ஆவது திருத்தத்தை இரத்து செய்து புதிய அரசியலமைப்பினை உருவாக்குவதாக ஜனாதிபதி நாட்டு மக்களுக்கு வாக்குறுதி வழங்கினார்.

தற்போது அரசியலமைப்பின் 20 ஆவது திருத்தம் கொண்டு வரப்பட்டுள்ளது. இத்திருத்தத்தில் இரட்டை குடியுரிமையினை கொண்டவர்கள் தேர்தலில் போட்டியிட முடியும் என ஏற்பாடு செய்யப்பட்டுள்ளது.

விடுதலைப்புலிகள் நாட்டில் இல்லாதொழிக்கப்பட்டாலும் அவர்களின் பிரிவினைவாத கொள்கை உலகம் முழுவதும் வியாபித்துள்ளது. இரட்டைக் குடியுரிமை கொண்டவர்கள் அரசியலில் பங்குபற்ற முடியும் என்பதை புலம்பெயர் தமிழ் அமைப்புக்கள் நிச்சயம் தமக்கு சாதகமாக பயன்படுத்திக் கொள்வார்கள்.

READ MORE | comments

கொலைகாரன் திலீபனிற்கு தியாகிப் பட்டம் வேறா?; நினைவுகூரவே கூடாது: கமால் குணரட்ணவையே ‘ஓவர் ரேக்’ செய்த டக்ளஸ்!

 .

திலீபன் கொலைகளில் ஈடுபட்டவன். அவனிற்கு தியாகிப் பட்டம் வேறு கொடுக்க வேண்டுமா? இந்த கொலைகாரர்களை எதற்கு நினைவுகூர வேண்டும் என திருவாய் மலர்ந்து, ராஜபக்ச அரசின் ஜனநாயக விரோத நடவடிக்கைக்கு வெள்ளையடிக்க முயன்றிருக்கிறார் கடற்றொழில் அமைச்சர் டக்ளஸ் தேவானந்தா.

பத்திரிகையொன்றிற்கு வழங்கிய நேர்காணலில் இதனை தெரிவித்துள்ளார்.

அவர் மேலும் தெரிவிக்கையில்,

 யார் இந்த திலீபன்? இவன் சாதித்தது என்ன? தமிழ் மக்களிற்கு இவன் எவற்றை கொடுத்து விட்டான்? அரசியலுக்காக இவர்களை எல்லாம் தியாகிகள் ஆக்கிக் கொள்ள பார்க்கிறார்கள். திலீபன் ஏன் கொல்லப்பட்டான், அவனது சுயரூபம் என்ன, எத்தனை பேரை அவன் கொன்றான், ஏனைய அமைப்புக்களை சேர்ந்த எத்தனை பேரை அவன் கொன்றான் என்பதையெல்லாம் தெரியாமல் பேசக்கூடாது.

சகோதர படுகொலைகளில் ஈடுபட்டவன். இலங்கை அரசாங்கம் கொன்று குவித்ததை விட, இவர்கள் செய்த கொலைகள் ஏராளம். இவ்வாறான நபர்களை எதற்காக நினைவுகூர வேண்டும்? இதில் அவருக்கு தியாகிப்பட்டம் வேறு.

நடந்து முடிந்த விடயங்களை விடுவோம். புலிகள் யாரும் தியாகம் செய்யவில்லை. கந்தன் கருணையில் கொல்லப்பட்ட தமிழர்களுடன் திலீபனிற்கு தொடர்பில்லையா? இந்த கொலைகளின் பின்னணியில் இருந்தவர்களிற்கு தியாகி பட்டம் தேவையா?

READ MORE | comments

சிறுவர்களை போதைப்பொருள் பாவனைக்கு பழக்கப்படுத்திய 18 வயது பெண் கைது!!

 

இலங்கையில் சிறுவர்களை போதைப்பொருள் பாவனைக்கு பழக்கப்படுத்திய குற்றச்சாட்டில் 18 வயது யுவதி ஒருவர் கைது செய்யப்பட்டுள்ளார்.

குறித்த யுவதி தம்புள பகுதியில் வைத்து கைது செய்யப்பட்டதாக கூறப்பட்டுள்ளது.

சந்தேக நபரின் வீட்டில் மேற்கொண்ட சோதணை நடவடிக்கையின் போது 820 கிராம் ஹெரோயின் ரக போதைப்பொருளும் மீட்கப்பட்டதாக குறிப்பிடப்பட்டுள்ளது.

சம்பவம் குறித்த மேலதிக விசாரணைகளை பொலிஸார் முன்னெடுத்துள்ளனர்.

READ MORE | comments

நாளை முதல் மீண்டும் புதிய போக்குவரத்து நடைமுறை!!

 

கொழும்பு நகரின் சில பகுதிகளில் நாளை முதல் மீண்டும் பஸ் முன்னுரிமை திட்டம் அமுல்படுத்தப்படும் என பொலிஸார் தெரிவித்துள்ளனர்.

பொலிஸ் ஊடகப் பேச்சாளர் சிரேஷ்ட பொலிஸ் அத்தியட்சகர் ஜாலிய சேனாரட்ன இதனை தெரிவித்துள்ளார்.

இதேவேளை போக்குவரத்து விதிமுறைகளை மீறி பயணிக்கும் சாரதிகளை கண்காணிப்பதற்கு நடவடிக்கை எடுக்கப்பட்டுள்ளதாகவும் அவர் குறிப்பிட்டுள்ளார்.

இதற்கென விசேட பாதுகாப்பு கமெராக்கள் பொருத்தப்பட்டுள்ளதுடன் சிறந்த வேலைத்திட்டம் ஒன்று முன்னெடுக்கப்பட்டுள்ளதாகவும் சிரேஷ்ட பொலிஸ் அத்தியட்சகர் தெரிவித்துள்ளார்.

கடந்த வாரம் பஸ் முன்னுரிமை திட்டம் நடைமுறைப்படுத்தப்பட்ட பகுதிகளில் நாளை முதல் மீண்டும் அமுல்படுத்துவதற்கு பொலிஸார் நடவடிக்கை எடுத்துள்ளனர்.

இதற்கமைய கொழும்பு நகரின் நான்கு வீதிகளை மையப்படுத்தி பஸ் முன்னுரிமை திட்டம் நடைமுறைப்படுத்தப்படவுள்ளது.

இதனிடையே நாளை முதல் மீண்டும் அமுல்படுத்தப்படும் பஸ் முன்னுரிமை திட்டத்தை மீறி செயற்படும் சாரதிகளுக்கு எதிராக சட்ட நடவடிக்கை எடுக்கப்படும் எனவும் சிரேஷ்ட பொலிஸ் அத்தியட்சகர் தெரிவித்துள்ளார்.

READ MORE | comments

கண்டியை உலுக்கிய கோர சம்பவம்! ஒரே குடும்பத்தை சேர்ந்த மூவர் பரிதாபமாக பலி!!

 கண்டி – பூவெலிகட பிரதேசத்தில் இன்று அதிகாலை 5 மாடிக் கட்டடம் ஒன்று மண்ணில் புதையுண்டுள்ளது.

இந்த அனர்த்தத்தில் சிக்குண்ட ஒரே குடும்பத்தை சேர்ந்த தந்தை, இளம் தாய் மற்றும் இரண்டு மாத குழந்தை உயிரிழந்துள்ளனர். கண்டி வைத்தியசாலை அதிகாரிகள் இதனை தெரிவித்துள்ளனர்.

குறித்த கட்டடத்திற்குள் சிக்கியுள்ள ஒரே குடும்பத்தைச் சேர்ந்தவர்களை மீட்பதற்கான நடவடிக்கைகளை பொலிஸார் மேற்கொண்டு வருகின்றனர்.

இதுவரை 3 பேர் மீட்கப்பட்டுள்ளனர். மேலும் இருவரை காணவில்லை என மீட்பு பணியினர் தெரிவித்துள்ளனர்.

கட்டட இடிபாடுகளில் சிக்கிய நிலையில் மீட்கப்பட்ட இளம் தாயும் பிள்ளையும் கண்டி வைத்தியசாலையில் அனுமதிக்கப்பட்ட போது சிகிச்சை பலனின்றி உயிரிழந்துள்ளனார்.

சிறப்பு அதிரடி படையினர் தொடர்ந்தும் மீட்பு பணியில் ஈடுபட்டு வருகின்றனர்.

இன்று அதிகாலை ஐந்து மாடிக் கட்டடம் நிலத்திற்குள் இறங்கிய நிலையில், அருகிலுள்ள வீடுகளுக்கும் பாதிப்பு ஏற்பட்டுள்ளமை குறிப்பிடத்தக்கது.

READ MORE | comments

19.09.2020 அன்று அஞ்சனா மண்டபத்தில் இடம்பெற்ற திரு.K.ஞானரெத்தினம் அவர்களை கெளரவிக்கும் "ஆசானக்கு மகுடம் வாழும் போதே வாழ்த்துவோம்" நிகழ்வு

 

நேற்று 19.09.2020 அன்று அஞ்சனா மண்டபத்தில் இடம்பெற்ற திரு.K.ஞானரெத்தினம் அவர்களை கெளரவிக்கும் "ஆசானக்கு மகுடம் வாழும் போதே வாழ்த்துவோம்" நிகழ்வு

READ MORE | comments

மட்டக்களப்பில் நடைபெற்ற போக்குவரத்து பொலிஸாருக்கான விஷேட செயலமர்வு

Saturday, September 19, 2020

 

லியோன்)

வாகன போக்குவரத்து மற்றும் வீதி பாதுகாப்பு தொடர்பாடல் தொடர்பாக கிழக்கு மாகாண போக்குவரத்து பொலிஸாருக்கு தெளிவுபடுத்தும் பயிற்சி செயலமர்வு இன்று மட்டக்களப்பில் நடைபெற்றது.

தற்போது நாட்டில் அமுல்படுத்தப்பட்டுள்ள வீதி போக்குவரத்து நடவடிக்கை தொடர்பாக நாடளாவிய ரீதியில் வாகன போக்குவரத்து பாதுகாப்பு நடவடிக்கையில் ஈடுபடும் வாகன போக்குவரத்து பிரிவு பொலிஸாருக்கு வாகன போக்குவரத்து தொடர்பாக செயலமர்வுகள் நடாத்தப்பட்டு வருகின்றன

இதன் கீழ் கிழக்கு மாகாணத்தில் வீதி வாகன போக்குவரத்து பாதுகாப்பு நடவடிக்கையில் ஈடுபடும் போக்குவரத்து பொலிஸாருக்கான வாகன போக்குவரத்து தொடர்பாடல் மற்றும் வீதி பாதுகாப்பு தொடர்பாக தெளிவு படுத்தும் பயிற்சி செயலமர்வு மட்டக்களப்பு மாவட்ட போக்குவரத்து பொலிஸ் பிரிவு பொறுப்பதிகாரி ஐ பி சரத் சந்திர ஒழுங்கமைப்பில் வாகன போக்குவரத்து மற்றும் வீதி பாதுகாப்பு உதவி பொலிஸ்மா அதிபர் டப்ளியு சுமித் நிஷங்க தலைமையில் மட்டக்களப்பு மாவட்ட சிரேஷ்ட பொலிஸ் அத்தியட்சகர் எல்.ஆர்.குமாரசிறி பங்களிப்புடன் மட்டக்களப்பு மண்முனை வடக்கு பிரதேச செயலக டேபா மண்டபத்தில் பயிற்சி செயலமர்வு நடைபெற்றது .

இந்த பயிற்சி செயலமர்வில் கிழக்கு மாகாண வீதி வாகன போக்குவரத்து மற்றும் பாதுகாப்பு பாதுகாப்பு பிரிவு பொலிஸ் பொறுப்பதிகாரிகள் , வாகன போக்குவரத்து மற்றும் வீதி பாதுகாப்பு பொலிஸ் அதிகாரிகள் கலந்துகொண்டனர்.

READ MORE | comments

மோட்டார் சைக்கிள் மற்றும் முச்சக்கர வண்டிக்கு புதிய வீதிச் சட்டம் இனி இல்லை

 

கொழும்பில் மோட்டார் சைக்கில்கள் மற்றும் முச்சக்கர வண்டிகளுக்காக அண்மையில் விதிக்கப்பட்டிருந்த வீதி ஒழுங்கை சட்டம் இன்று சனிக்கிழமை முதல் நடைமுறைப்படுத்தப்படாது என பொலிஸார் தெரிவித்துள்ளனர்.

இதற்கமைய, மோட்டார் சைக்கில்கள் மற்றும் முச்சக்கர வண்டிகள், பேருந்து முன்னுரிமைப் பாதையில் செல்ல வேண்டும் என அமுல்படுத்தப்பட்டிருந்த சட்டம் இன்று முதல் தளர்த்தப்பட்டுள்ளது. குறித்த திட்டம் வெற்றியளிக்காத காரணத்தினாலேயே, இந்ததத் தீர்மானம் மேற்கொள்ளப்பட்டுள்ளது.

மோட்டார் சைக்கில்கள் மற்றும் முச்சக்கர வண்டிகள், பேருந்து முன்னுரிமைப் பாதையில் மாத்திரமே செல்ல வேண்டும் என கடந்த 15 ஆம் திகதி பொலிஸார் அறிவித்திருந்தனர். எனினும், குறித்த ஒழுங்கை சட்டத்தினால் பாரிய வாகன நெரிசல் ஏற்படுவதாக சமூக ஊடகங்களில் பல்வேறு கருத்துக்கள் முன்வைக்கப்பட்டிருந்தன. இதற்கமைய, குறித்த விடயங்களை கருத்திற் கொண்டு ஒழுங்கை சட்டத்தை நடைமுறைப்படுத்தாது இருக்க தீர்மானிக்கப்பட்டதாக மேல் மாகாணத்துக்குப் பொறுப்பான சிரேஸ்ட பிரதிப் பொலிஸ்மா அதிபர் தேசபந்து தென்னகோன் தெரிவித்துள்ளார்.

எனினும், மூன்று ஒழுங்கைகள் உள்ள வீதிகளில், மோட்டார் சைக்கில்கள் மற்றும் முச்சக்கர வண்டிகள் முதலிரண்டு ஒழுங்கைகளை மாத்திரமே பயன்படுத்த முடியும் என பொலிஸார் தெரிவித்தனர்.

READ MORE | comments

தனிமைப்படுத்தலை நிறைவு செய்து வீடு திரும்பிய இளைஞனுக்கு மீண்டும் கொரோனா!!

 

சிலாபம் வைத்தியசாலையில் சிகிச்சை பெற்று வந்த நபர் ஒருவர் கொரோனா வைரஸ் தொற்றுக்குள்ளாகியுள்ளதாக உறுதியாகியுள்ள நிலையில் இரணவில கொரோனா சிகிச்சை நிலையத்தில் அனுமதிக்கப்பட்டுள்ளார்.

இவ்வாறு வைத்தியசாலையில் அனுமதிக்கப்பட்டவர் ஆணமடுவ பிரதேசத்தை சேர்ந்த 23 வயதுடைய இளைஞனாகும்.

கடந்த மாதம் 16ஆம் திகதி டுபாயில் இருந்து இலங்கை வந்த இளைஞனுக்கு மேற்கொள்ளப்பட்ட பீசீஆர் பரிசோதனையில் கொரோனா தொற்று உறுதியானது.

பின்னர் சிகிச்சைக்காக வெலிகந்த வைத்தியசாலையில் அனுமதிக்கப்பட்டு 3 பீசீஆர் பரிசோதனைகள் மேற்கொள்ளப்பட்டுள்ளது. மூன்று பரிசோதனைகளிலும் அவருக்கு கொரோனா வைரஸ் தொற்றவில்லை என உறுதியாகியுள்ளது.

அதற்கமைய தனிமைப்படுத்தலை நிறைவு செய்தவர் 24ஆம் திகதி தனது வீட்டிற்கு சென்றுள்ளார்.

திடீர் சுகயீனம் காரணமாக கடந்த 17ஆம் திகதி அவர் சிலாபம் வைத்தியசாலையில் அனுமதிக்கப்பட்ட நிலையில் அங்கு மேற்கொள்ள பீசீஆர் பரிசோதனையில் அவருக்கு கொரோனா தொற்றியமை உறுதியாகியுள்ளது.

சுயதனிமைப்படுத்தப்பட்ட காலப்பகுதியில் அவர் தனது தாயாருடன் வீட்டில் இருந்துள்ளார். இந்த நிலையில் தாயார் சிலாபம் வைத்தியசாலையில் அனமதிக்கப்பட்டு பீசீஆர் பரிசோதனைக்குட்படுத்தப்படவுள்ளார்.

READ MORE | comments

எந்தவித காரணத்திற்காகவும் அரிசியின் சில்லறை விலை அதிகரிக்காது!!

 

அரிசி தட்டுப்பாட்டை ஏற்படுத்தினால் அரசியை இறக்குமதி செய்து விலை கட்டுப்பாட்டுக்குள் கொண்டு வரப்படும் என வர்த்தகத்துறை அமைச்சர் எச்சரித்துள்ளார்.

கொழும்பில் இடம்பெற்ற செய்தியாளர் சந்திப்பில் ,எந்தவித காரணத்திறக்காவும் அரிசியின் சில்லறை விலையை மாற்றுவதற்கு எந்தவிதமான எண்ணமும் கிடையாது என்று தெரிவித்த அமைச்சர்

மக்கள் முகங்கொடுத்துள்ள வாழ்க்கை செலவு பிரச்சினை தொடர்பில் அரசாங்கம் அக்கறை கொண்டுள்ளது. அதிகளவிலான நெல்லை சேகரித்து அதனை சந்தைக்கு விடாமல் சிலர் செயற்படுவதாகவும் அவர் தெரிவித்தார்

READ MORE | comments

சுகாதார பரிசோதகர்களுக்கு மோட்டார் சைக்கிள் வழங்கி வைப்பு!

 

இலங்கையில் கொவிட் 19 நோய்த்தொற்று காலத்தில் மிகவும் ஆபத்தான சூழ்நிலையிலும் தமது உயிரை பணயம் வைத்து செயலாற்றிய பொது சுகாதார பரிசோதகர்களுக்கு ஜனாதிபதி கோத்தாபய ராஜபக்ஷவினால் அடையாள ரீதியாக உத்தியோகபூர்வ மோட்டார் சைக்கிள்கள் வழங்கும் நிகழ்வு நேற்று (18) முற்பகல் ஜனாதிபதி அலுவலகத்தில் இடம்பெற்றது.

2015 ஆம் ஆண்டு முதல் பொது சுகாதார பரிசோதகர் எவருக்கும் மோட்டார் சைக்கிள்கள் வழங்கப்படவில்லை. சேவை காலத்தில் மோட்டார் சைக்கிள் கிடைக்காத, நாடளாவிய ரீதியில் தெரிவு செய்யப்பட்ட 26 சுகாதார வைத்திய பிரிவுகளில் சேவையாற்றுகின்ற 749 பொது சுகாதார பரிசோதகர்களுக்கும் முதன்மை அடிப்படையில் தெரிவுசெய்யப்பட்ட மேலும் 56 பொது சுகாதார பரிசோதகர்களுக்கும் மோட்டார் சைக்கிள்கள் வழங்கிவைப்பட்டன.

பொது சுகாதார பரிசோதகர்களை இணைத்துக்கொள்ளும்போது 02 வருட முழுமையான பயிற்சிநெறிக்கு உள்வாங்கப்படுவர். பயிற்சி காலத்தை நீடித்து பட்டமொன்றை பெற்றுக்கொள்வதற்கான சந்தர்ப்பத்தை பல்கலைக்கழக மானியங்கள் ஆணைக்குழுவுடன் கலந்துரையாடி பெற்றுத்தருவதாகவும் ஜனாதிபதி குறிப்பிட்டார்.

சுகாதார அமைச்சர் பவித்ரா வன்னியாரச்சி மற்றும் அமைச்சின் செயலாளர் ஓய்வுபெற்ற மேஜர் ஜெனரல் விஷேட வைத்தியர் சஞ்சீவ முனசிங்ஹ, கொவிட் அவசர சிகிச்சைக்காக சுகாதார கட்டமைப்பை தயார்படுத்தும் திட்டத்தின் பணிப்பாளர் வைத்தியர் ஜயசுந்தர பண்டார ஆகியோர் இந்நிகழ்வில் கலந்துகொண்டனர்.

READ MORE | comments

மஞ்சள் கடத்தல்; இரு சுங்க திணைக்கள அதிகாரிகள் கைது!

 

33000 கிலோ கிராம் மஞ்சள் கடத்த முற்பட்ட சம்பவம் தொடர்பில் இரு சுங்க திணைக்கள அதிகாரிகள் கைது செய்யப்பட்டுள்ளனர்.

நேற்றைய தினம் சட்ட விரோதமான முறையில் கொள்கலன்களில் கடத்தப்பட்ட 33000 கிலோகிராம் மஞ்சள் மற்றும் உழுந்துடன் 10 பேர் கைது செய்யப்பட்டனர். சுங்க அதிகாரிகளால் மேற்கொள்ளப்பட்ட சோதனையின் போதே புளுமென்டல் பகுதியில் வைத்து குறித்த 10 பேரும் கைது செய்யப்பட்டனர்.

அத்தோடு 7 பாரவூர்திகளும் புளுமென்டால் பொலிஸாரினால் பறிமுதல் செய்யப்பட்டது. சட்டவிரோத மஞ்சள் மற்றும் ஏனைய பொருட்கள் டுபாயில் இருந்து கடந்த சில தினங்களுக்கு முன் நாட்டுக்கு கொண்டு வரப்பட்டுள்ள நிலையில் மட்டக்குளி பிரதேசத்தின் வர்த்தகர் ஒருவரால் குறித்த பொருட்கள் இறக்குமதி செய்யப்பட்டுள்ளது.

இந்நிலையிலேயே சம்பவம் தொடர்பில் இரு சுங்க திணைக்கள அதிகாரிகள் கைது செய்யப்பட்டுள்ளமை குறிப்பிடத்தக்கது.

READ MORE | comments

மட்/திருப்பழுகாமத்தில் இளைஞன் தூக்கிட்டுத் தற்கொலை

 

அனைத்திற்கும் தீர்வு தற்கொலைதான் என்று நினைக்கும்

முட்டாள் நம்பிக்கை

எப்போது முடிவிற்கு வரப்போகிறது?? நம் நாட்டில் ??

இந்த தற்கொலைத் தாண்டவம்?

வாழவேண்டிய வயதில்

எதற்காக வாழ்க்கையை முடித்துக் கொள்கின்றனர்?

கடவுளினால் படைக்கபட்ட ஒவ்வொரு உயிரும் பெறுமதிமிக்கது 

வீணாக தற்கொலை செய்து மடிவதனால் விமமோசனமே கிடைக்காது இவ் உலகில் .

READ MORE | comments

ஆசானுக்கு மகுடம் நிகழ்வு மட்டு நகரில்

 ஆசானுக்கு மகுடம் நிகழ்வு

READ MORE | comments

செங்கலடி விபத்து நேரடிக் காட்சி

 

https://drive.google.com/file/d/1MhHZzdYG6tRIVaiYIbzgTVhHYbdJk91t/view?usp=drivesdk

READ MORE | comments

செங்கலடியில் விபத்து –ஒருவர் பலி

Friday, September 18, 2020

 

செங்கலடியில் விபத்து –ஒருவர் பலி -இருவர் படுகாயம்-விபத்தின் அதிர்ச்சி வீடியோ

மட்டக்களப்பு செங்கலடி நகரில் இன்று வேக கட்டுப்பாட்டை இழந்த கார் ஒன்று விபத்தை ஏற்படுத்தியதில் ஒருவர் உயிரிழந்ததுடன் இருவர் படுகாயமடைந்துள்ளனர்.

இன்று மாலை செங்கலடி எரிபொருள் நிரப்பும் நிலையத்திற்கு முன்னால் வேகக் கட்டுப்பாட்டை இழந்து பிழையான திசையில் சென்ற கார் வீதியால் நடந்து சென்ற ஒருவர் மீதும், அவ் வீதியில் துவிச்சக்கர வண்டியில் சரியான பாதையில் சென்ற ஒருவரையும் மோதி தள்ளிச் சென்று  மறுபக்கத்தில் இருந்த கடையில் மோதி மின் கம்பத்தில் மோதி நின்றுள்ளது.

இவ் விபத்தில் கொம்மாதுரையைச் சேர்ந்த  இரு பிள்ளைகளின் தகப்பனான சிவசுப்பிரமணியம் ரமேஷ்குமார் (40) என்பவர் உயிரிழந்துள்ளார்.

READ MORE | comments

மட்டக்களப்பு- ஏறாவூரில் 15 வயது மாணவன் பலியான சம்பவம் தொடர்பில் அடையாளம் காணப்பட்டார்!!

ஏ.எச்.ஏ. ஹுஸைன்
வாள் வெட்டில் 15 வயது மாணவச் சிறுவன் பலியான சம்பவம் தொடர்பான அடையாள அணிவகுப்பில் சாட்சிகளால் ஒருவர் அடையாளம் காணப்பட்டுள்ளதாக பொலிஸார் தெரிவித்தனர்.

ஏறாவூர் பொலிஸ் பிரிவின் கொம்மாதுறைப் பிரதேசத்தில் கடந்த 22.08.2020 அன்று இரவு இடம்பெற்ற வாள் வெட்டுச் சம்பவத்தில் கொல்லப்பட்ட மாணவச் சிறுவனது கொலைச் சம்பவத்தில் கைது செய்யப்பட்ட சந்தேக நபர்கள் நான்கு பேர் கடந்த புதன்கிழமை (16.09.2020) அடையாள அணிவகுப்புக்கு உட்படுத்தப்பட்டிருந்தனர்.

இவ்வேளையில் ஒருவர் அடையாளம் காணப்பட்டார்.

அதனைத் தொடர்ந்து அடையாளம் காட்டப்பட்டவர் உட்பட ஏனைய சந்தேக நபர்கள் அடங்கலாக 6 பேரும் எதிர்வரும் 30ஆம் திகதி வரை விளக்கமறியலில் வைக்கப்பட்டுள்ளனர்.

கொம்மாதுறை விநாயகர் வீதியை அண்டியுள்ள வீடொன்றில் இடம்பெற்ற அந்தச் சம்பவத்தில் செங்கலடி சந்தை வீதியைச் சேர்ந்த ரமணன் திவிராஜ் (வயது 15) என்ற மாணவனே வெட்டிக் கொல்லப்பட்டிருந்தார்.

அந்தச் சம்பவம் தொடர்பாக மொத்தமாக 6 சந்தேக நபர்கள் தலைமறைவாகியிருந்த நிலையில் அவர்கள் கைது செய்யப்பட்டிருந்தனர். அவர்களில் நால்வருக்கான அடையாள அணிவகுப்பே புதன்கிழமை (16.09.2020) ஏறாவூர் சுற்றுலா நீதிவான் நீதிமன்றத்தில் இடம்பெற்றிருந்தது.

மேற்படி இடம்பெற்ற அந்தப் படுகொலைச் சம்பவத்தில் மாணவனான ரமணன் திவ்வியராஜ் என்பவர் பலியானதுடன் அவரது உறவினர் இருவர் காயமடைந்த நிலையில் மட்டக்களப்பு போதனா வைத்தியசாலையில் அனுமதிக்கப்பட்டு சிகிச்சை பெற்று வருகின்றனர்.

செங்கலடி பிரதேசத்திலுள்ள பாடசாலையொன்றில் பத்தாம் தரத்தில்; கல்வி பயிலும் செங்கலடி, கொம்மாதுறை ஆகிய பகுதிகளைச் சேர்ந்த வர்களிடையே ஏற்பட்ட மோதலே இறுதியில் படுகொலையில் போய் முடிந்தது என்று அப்போது தெரிவிக்கப்பட்டது.

அந்தச் சம்பவம் தொடர்பாக மேலும் தெரியவிக்கப்பட்டதாவது, இரு குழுக்ககுக்கிடையே ஏற்பட்ட மோதலைப்பற்றி வீட்டுக்குச் சென்று கூறியபோது காயமடைந்த மாணவனின் உறவினர்கள் இருவர் அன்றிரவு கொம்மாதுறை விநாயகர் வீதியிலுள்ள சம்மந்தப்பட்ட மற்றைய மாணவனின் வீட்டிற்கு சென்று மாணவர்களிடையே ஏற்பட்ட மோதல் தொடர்பாக பேசிக் கொண்டிருந்துள்ளனர்.

அப்போது ஏற்பட்ட கருத்து மோதல் வலுப்பெற்று வாள் வெட்டு நடத்தப்பட்டுள்ளது.

பாரிய வாள் வெட்டுக்குள்ளான செங்கலடியை சந்தை விதியைச் சேர்ந்த மாணவன் ரமணன் திவிராஜ் (வயது 15) சம்பவ இடத்திலேயே உயிரிழந்ததுடன் அவரது உறவினர்களான இருவரும் வெட்டுக் காயங்களுக்குள்ளாகியுள்ளனர்.

அந்தச் சம்பவம் தொடர்பாக ஏறாவூர்ப் பொலிஸார் சம்பவ இடத்துக்கு நேரடியாகச் சென்று விசாரனைகளை மேற்கொண்டதுடன் கொலைக்கு பயன்படுத்தப்பட்டதாகக் கருதப்படும் வாள் ஒன்றையும் கைப்பற்றியிருந்தனர்.

சம்பவம் தொடர்பாக சந்தேக நபர்களைக் கைது செய்து ஆயுதக் கலாசாரத்தை ஒழிக்குமாறு கோரி உறவினர்களாலும் பொதுமக்களாலும் ஆர்ப்பாட்டம் நடத்தப்பட்டது இங்கு குறிப்பிடத்தக்கது.

அதன் பின்னர் தேடப்பட்டு வந்த சந்தேக நபர்கள் தலைமறைவாகியிருந்த நிலையில் இம்மாதம் 02ஆம் திகதி கைது செய்யப்பட்டு நீதிமன்றத்தில் ஆஜர்படுத்தப்பட்டிருந்தமை குறிப்பிடத்தக்கதாகும்

READ MORE | comments

இன்றுமுதல் ஏற்படவுள்ள மாற்றம்- வளிமண்டலவியல் திணைக்களத்தின் விசேட எச்சரிக்கை!!

 

நாட்டின் தென்மேற்கு பகுதியிலும் வடமேல் மாகாணத்திலும் இன்றுமுதல் மழை அதிகரிக்கும் சாத்தியம் காணப்படுவதாக தெரிவிக்கப்பட்டுள்ளது.

வளிமண்டலவியல் திணைக்களம் வெளியிட்டுள்ள அறிக்கையில் இந்த விடயம் குறிப்பிடப்பட்டுள்ளது.

இதன்படி, மத்திய, சப்ரகமுவ, மேல் மற்றும் வட மேல் மாகாணங்களிலும், காலி மற்றும் மாத்தறை ஆகிய மாவட்டங்களிலும், 100 மில்லிமீற்றருக்கும் அதிகமான மழைவீழ்ச்சி பதிவாகும் சாத்தியம் காணப்படுவதாக சுட்டிக்காட்டப்பட்டுள்ளது.

இதேவேளை, நாட்டைச் சூழவுள்ள கடற்பிராந்தியங்களில் காற்றின்வேகம் அதிகரித்துக் காணப்படும் சாத்தியம் காணப்படுவதாகவும், வளிமண்டலவியல் திணைக்களம் குறிப்பிட்டுள்ளது.

இதன்படி, திருகோணமலை முதல் காங்கேசன்துறை மற்றும் புத்தளம் ஊடாக நீர்கொழும்பு வரை மற்றும் ஹம்பாந்தோட்டை ஊடாக பொத்துவில் வரையான ஆழமான மற்றும் ஆழமற்ற கடற்பகுதிகளில் காற்றின்வேகம் மணிக்கு 60 முதல் 70 கிலோமீற்றர் வரை அதிகரித்துக் காணப்படும் என தெரிவிக்கப்பட்டுள்ளது.

அத்துடன், கல்பிட்டிய முதல் கொழும்பு, காலி மற்றும் ஹம்பாந்தோட்டை ஊடாக பொத்துவில் வரையான கடற்பிரதேசங்களில் 2 தசம் 5 முதல் 3 மீற்றர் வரையான உயரத்துக்கு அலைகள் மேலெழும்பக்கூடும் எனவும் குறிப்பிடப்பட்டுள்ளது.

ஆகவே, இது தொடர்பில் கடலுக்கு செல்பவர்கள் அவதானமாக செயற்பட வேண்டும் என வளிமண்டலவியல் திணைக்களம் கோரிக்கை விடுத்துள்ளமை குறிப்பிடத்தக்கது.

READ MORE | comments

கொக்கட்டிச்சோலை- முனைக்காட்டில் வாழ்வாதாரத்தை இழந்த குடும்பத்திற்கு நண்பர்கள் நற்பணி மன்றத்தினால் தையல் இயந்திரம் வழங்கி வைப்பு!!

Thursday, September 17, 2020

 

வாழ்வாதாரத்தை இழந்து வாழ்ந்து வரும் குடும்பங்களுக்கும் வறுமைக் கோட்டின்கீழ் வாழ்ந்து வரும் குடும்பங்களுக்கும் நண்பர்கள் நற்பணி மன்றமானது பல உதவிகளை வழங்கி வருகிறது.

அந்த வகையில் மட்டக்களப்பு- கொக்கட்டிச்சோலை, முனைக்காடு மேற்கு 08 ஆம் வட்டாரத்தில் வசிக்கும் தியாகராஜா ஜீவிதா என்பவருக்கு நண்பர்கள் நற்பணி மன்றத்தால் தையல் இயந்திரம் வழங்கி வைக்கப்பட்டது.

குறித்த குடும்பமானது 10 வயதிற்கு உட்பட்ட இரண்டு பிள்ளைகளை கொண்ட குடும்பமாகும். தாய் கூழித்தொழில் புரிந்தே இரு பிள்ளைகளையும் வளர்த்து வருகின்றார். சிறு பிள்ளைகள் என்பதால் அவர்களைத் தனியாக விட்டு வேலைக்குச் செல்லமுடியாத சூழ்நிலையில் மிகவும் சிரமப்பட்டு வாழ்ந்து வருகிறார்.

இதனை அறிந்து பிள்ளைகளின் கல்வி மேன்பாட்டிற்காகவும் குடும்பப்பொருளாதாரம் வளம்பெறும் பொருட்டும் ஒரு தையல் இயந்திரத்தினை நண்பர்கள் நற்பணி மன்றமானது அவர்களுக்கு  2020.09.14 அன்று பெற்றுக் கொடுத்துள்ளது.

நண்பர்கள் நற்பணி மன்றத்தினால் வழங்கப்பட்ட இந்த உதவியானது மன்றத்தின் உறுப்பினர்களின் எதிர்பாராத உதவிகளால் கிடைத்த பணத்தின் மூலமே வழங்கப்பட்டத்தை எண்ணி நண்பர்கள் நற்பணி மன்றமானது மிகவும் மகிழ்ச்சி அடைகின்றது.

READ MORE | comments

கல்விமான் க.ஞானரெத்தினம் அவர்களுக்கு மகுடம் சூட்டல்

 

சித்தா)

திறந்த பல்கலைக் கழகத்தின் சிரேஸ்ட விரிவுரையாளர் கல்வி மான் க.ஞானரெத்தினம் அவர்களின் சேவையினைப் பாராட்டி தனது மாணவர்களால் "ஆசானுக்கு மகுடம்" எனும் விழாவினை நடாத்துவதற்கு ஒழுங்குகள் மேற் கொள்ளப்பட்டுள்ளது.

வாழும் போதே வாழ்த்துவோம் என்பதற்கு இணங்க சிரேஸ்ட விரிவுரையாளர் கல்வி மான் க.ஞானரெத்தினம் அவர்களுக்கான மகுடம் சூட்டும் விழாவானது விழாக்குழுத் தலைவர் திரு.M.பாலகிருஷ்ணன் அவர்களின் தலைமையில் மட்டக்களப்பு அஞ்ஞனா வைபவ மாளிகை அருட்சகோதரர். கலாநிதி.S.A.I.மத்தியூ அரங்கில் 19.09.2020 ஆம் திகதி காலை 9.45 மணிக்கு நடைபெறவுள்ளது.

இந் நிகழ்வின் பிரதம விருந்தினராக பேராசிரியர் S.A அரியதுரை அவர்கள் உபவேந்தர், திறந்த பல்கலைக்கழகம், இலங்கை. கௌரவ விருந்தினர்களாக திரு.M.K.M.மன்சூர், சிரேஸ்ட உதவிச் செயலாளர், மாகாணக் கல்வி அமைச்சு, கிழக்கு மாகாணம். Dr.C.அருள்மொழி,தலைவர், கல்வி, பிள்ளை நலத்துறை, கலை கலாசார பீடம், கிழக்குப் பல்கலைக் கழகம். திரு.M.I.M நவாஸ், பீடாதிபதி, கல்வியல் கல்லூரி, மட்டக்களப்பு. திரு.மு.புண்ணியமூர்த்தி, பீடாதிபதி, கல்வியல் கல்லூரி, அட்டாளைச்சேனை. Dr.S.M. ஜுனைதீன், பீடாதிபதி, பொறியியல் பீடம், தென்கிழக்குப் பல்கலைக்கழகம். Prof.S. பிரதீபன், பீடாதிபதி, விஞ்ஞான பீடம், கிழக்குப் பல்கலைக்கழகம். Prof.S.திருக்கணேஸ், கணிதப் பேராசிரியர், கிழக்குப் பல்கலைக்கழகம். ஆகியோர் கலந்து சிறப்பிக்கவுள்ளனர்.

இந் நிகழ்வில் விசேடமாக பேராசிரியர்.S.A.அரியதுரை, பேராசிரியர். S.சந்திரசேகரம், பேராசிரியர்.M.கருணாநிதி, பேராசிரியர் .P. C. பக்கீர் ஜபார், பேராசிரியர். K. சின்னத்தம்பி, பேராசிரியர். T.தனராஜ், பேராசிரியர். M.செல்வராசா, திரு.T.ராஜேந்திரன், கலாநிதி.T.கலாமணி ஆகியோருக்கு மகுடம் சூட்டி கௌரவிக்கப்படவுள்ளனர். 

READ MORE | comments

மட்டக்களப்பு புதூரில் விசேட அதிரடிப்படையினரால் உள்ளூர் துப்பாக்கி மீட்பு!!

Wednesday, September 16, 2020

 

மட்டக்களப்பு புதூர் பிரதேச்திலுள்ள மீனவர் சங்க கட்டிட பகுதியில் கைவிடப்பட்டிருந்த உள்ளூர் தயாரிப்பு துப்பாக்கி ஒன்றை நேற்று (2020.09.15)(செவ்வாய்க்கிழமை) இரவு விசேட அதிரடிப்படையினர் மீட்டு பொலிஸாரிடம் ஒப்படைத்துள்ளதாக மட்டக்களப்பு தலைமையக பொலிஸார் தெரிவித்தனர் .

விசேட அதிரடிப் படையினருக்கு கிடைத்த தகவல் ஒன்றினையடுத்து சம்பவதினமான நேற்று இரவு வவுணதீவு விசேட அதிரடிப்படை பொறுப்பதிகாரி டபிள்யூ.ஜி,எஸ். கயபிரித்த தலைமையில் சப் இன்பெக்ஸடர் ஆர்.என். பிரேமகுமார, பொலிஸ் சாஜன்ட் அதிகாரி, திஸநாயக்கா, லசந்திர, பெரேரா, சம்பத் ஆகிய விசேட அதிரடிப்படையின் குறித்த பகுதியை சுற்றிவளைத்து தேடுதலின் போது உள்ளூர் தயாரிப்பு துப்பாக்கி ஒன்றை மீட்டனர்

இவ்வாறு மீட்கப்பட்ட துப்பாக்கி மட்டக்களப்பு தலைமையக பொலிஸ் நிலையத்தில் ஒப்படைக்கப்பட்டுள்ளது.

READ MORE | comments

178 பேர் கடந்த 24 மணித்தியாலங்களில் ஹெரோயினுடன் கைது!

 

நேற்று(15) பிற்பகல் 6 மணி முதல் இன்று(16) காலை 6 மணி வரையிலான 24 மணித்தியாலங்களில் மேல் மாகாணத்தில் மேற்கொள்ளப்பட்ட சுற்றிவளைப்புக்களில் 429 பேர் கைது செய்யப்பட்டுள்ளனர்.

கைது செய்யப்பட்டவர்களில் ஹெரோயின் வைத்திருந்த குற்றச்சாட்டில் 178 பேரும் மற்றும் கஞ்சா வைத்திருந்த 102 பேரும் அடங்குவதாக பொலிஸார் தெரிவித்தனர். இதேவேளை, ஒழுங்கமைக்கப்பட்ட குற்றக் குழு உறுப்பினரான 'ரெயில்பாரே சுமீர' என்று அழைக்கப்படும் சுமீர மதுசங்க கைது செய்யப்பட்டுள்ளதாக பொலிஸார் தெரிவித்தனர்.

ஹேரோயின் போதைப்பொருளுடன் மாளிகாவத்தை பகுதியில் வைத்து அவர் கைது செய்யப்பட்டுள்ளதாக பொலிஸ் ஊடக பிரிவு தெரிவித்துள்ளது. இவ்வாறு கைது செய்யப்பட்டவர் பாதாள உலக குழு உறுப்பினர் ஆர்மி சம்பத்தின் நெருங்கிய நண்பர் என தெரிவிக்கப்படுகிறது.

READ MORE | comments

செய்திகள்வைத்தியத்துறை இறுதிப்பரீட்சையில் அக்கரைப்பற்று மாணவி தேசிய நிலையில் சாதனை!!

Tuesday, September 15, 2020

 (அக்கரைப்பற்று நிருபர்)கொழும்பு பல்கலைக்கழகத்தில் வைத்தியத்துறையில் கல்வி பயின்றுவந்த அக்கரைப்பற்று 7ஜ சேர்ந்த தணிகாசலம் தர்சிகா இறுதிப்பரீட்சையில் முதல் தரத்தில் Passed Final MBBS in first classwith distinctions in medicine, surgery, obstetrics and gynecology, andpsychiatry in Faculty of medicine, University of Colombo) சித்தியடைந்து தேசிய நிலையில் 3ஆம் நிலையினை பெற்று அக்கரைப்பற்று மண்ணிற்கு பெருமை சேர்த்துள்ளார்.

ஓய்வு பெற்ற அதிபர் தணிகாசலம் மற்றும் குமுதா ஆகியோரின் மூத்த புதல்வியான இவர் தனது ஆரம்ப கல்வியை அக்கரைப்பற்று ஸ்ரீ இராமகிருஸ்ண தேசிய பாடசாலையில் பயின்றதுடன் 2012ஆம் நடைபெற்ற உயர்தர பரீட்சையில் உயிரியில் துறையில் 3 ஏ சித்தியினை பெற்று மாவட்ட மட்டத்தில் முதலிடத்தையும் தேசிய மட்டத்தில் 4ஆம் நிலையினையும் பெற்றுக்கொண்டவர் என்பது குறிப்பிடத்தக்கது.

இந்நிலையில் அண்மையில் வெளியான வைத்தியத்துறை இறுதிப்பரீட்சை பெறுபேறுகளின்படி முதல் தரத்தில் சித்தியடைந்து தேசிய நிலையில் 3ஆம் நிலையினை பெற்றார் என்பது குறிப்பிடத்தக்கது.

READ MORE | comments

சுற்றுலா மையமாக மாறப்போகும் மட்டக்களப்பு ஒல்லாந்தர் கோட்டை!!

ஏ.எச்.ஏ. ஹுஸைன்
மட்டக்களப்பில் உள்ள ஒல்லாந்தர் கோட்டையை சுற்றுலா மையமாக மாற்றுவதற்கான நடவடிக்கைகளை அதிகாரிகள் எடுத்து வருகின்றனர்.

மட்டக்களப்பு மாவட்டத்தில் சுற்றுலாத் துறையை மேம்படுத்துவதற்காக மேற்கொள்ளப்படும் பெரிய அளவிலான வேலைத் திட்டங்களில் தற்போது மாவட்டச் செயலகமாக இயங்கிவரும் ஒல்லாந்தர் கோட்டையை வரலாற்றுப் பிரசித்தி பெற்ற சுற்றுலாத் தளமாக மாற்றுவதற்கான புனரமைப்பு வேலைகள் ஆரம்பிக்கப்பட்டுள்ளன.

சுற்றுலாத்துறை அமைச்சின் செயலாளர் எஸ். கெட்டியாராச்சி கடந்த வார இறுதியில் மட்டக்களப்பு மாவட்ட செயலகத்திற்கு வருகைதந்து மாவட்டச் செயலாளர் கலாமதி பத்மராஜா தலைமையிலான அதிகாரிகளுடன் கலந்துரையாடலில் ஈடுபட்டார்.

இக்கலந்துரையாடலில் மட்டக்களப்பில் அமைந்துள்ள ஒல்லாந்தர் கோட்டையை சுற்றுலாமையமாக மாற்றியமைப்பது தொடர்பாக ஆராயப்பட்டது.

அத்தோடு மட்டக்களப்பு ஒல்லாந்தர் கோட்டையை சுற்றுலா வருமானத்தை ஈட்டித் தரும் இடமாக மாற்றியமைப்பதோடு அதன் சரித்திரப் பழமை மாறாமல் பராமரிப்பதென்றும் முடிவெடுக்கப்பட்டதற்கமைவாக தற்போது பழுதுபார்த்துப் புனரமைக்கும் பணிகள் ஆரம்பிக்கப்பட்டுள்ளன.

ஒல்லாந்தர் கோட்டையில் கலாச்சார விழுமியங்களைப் பிரதிபலிக்கின்ற நிகழ்ச்சிகள் பண்பாட்டு கலாச்சார உடைகள் உணவுகள் நூதனசாலை உட்பட பிரதேசத்தின் பண்பாட்டு பின்னணிகளை பிரதிபலிக்கின்ற ஒரு மத்திய நிலையமாக மாற்றி அமைதற்கான முதற்கட்ட வேலையாக தகவல் மையம் ஒன்றை அமைத்து அதனூடாக செயற்படுத்த திட்டங்கள் முன்னெடுக்கப்பட்டுள்ளன என்று அதிகாரிகள் கூறினர்.

READ MORE | comments

மட்டக்களப்பில் வாளுடன் கைது செய்யப்பட்ட 17 வயது சிறுவன் விளக்கமறியல்!!

 மட்டக்களப்பு தலைமையக பொலிஸ் பிரின் கீழ் உள்ள உஇருதயபுரம் பகுதியில் வாளுடன் நள்ளிரவில் சென்ற 17 வயதுடைய சிறுவன் ஒருவரை எதிர்வரும் 25 ம் திகதிவரை விளக்கமறியலில் வைக்குமாறு மட்டக்களப்பு நீதவான் நீதிமன்ற நீதவான் ஏ.சி.ஏ. றிஸ்வான் நேற்று (14) உத்தரவிட்டார்

குறித்த பகுதியில் சம்பவதினதான ஞாயிற்றுக்கிழமை நள்ளிரவு 12 மணிக்கு இளைஞர் ஒருவர் வாளுடன் சுற்றிதிரிவதாக பொலிஸ் அவசர பிரிவு 119 இலக்கத்துக்கு பொதுமக்கள் தகவல் வழங்கியுள்ளனர்.

இதனையடுத்து பொலிஸார் குறித்த பிரதேசத்தில் சுற்றிவளைத்து சோதனையில் வாளுடன் 17 வயது சிறுவன் ஒருவனை கைது செய்ததுடன் வாள் ஒன்றையும் மீட்டனர்.

இதில் கைது செய்யப்பட்ட சிறுவனை நேற்று (14) மட்டக்களப்பு நீதவான் நீதிமன்றத்தில் நீதவான் ஏ.சி.ஏ.றிஸ்வான் முன்னிலையில் ஆஜர்படுத்தப்பட்ட போது அவரை எதிர்வரும் 25 ம் திகதிவரை விளக்கமறியல் வைக்குமாறு உத்தரவிட்டார்.

READ MORE | comments

மட்டக்களப்பு- ஏறாவூர் 15 வயது மாணவன் வாள் வெட்டில் பலியான சம்பவத்தில் கைது செய்யப்பட்ட சந்தேக நபர்களின் அடையாள அணிவகுப்பு!!

 ஏ.எச்.ஏ. ஹுஸைன்
ஏறாவூர் பொலிஸ் பிரிவின் கொம்மாதுறைப் பிரதேசத்தில் கடந்த 22.08.2020 அன்று இரவு இடம்பெற்ற வாள் வெட்டுச் சம்பவத்தில் கொல்லப்பட்ட மாணவச் சிறுவனது கொலைச் சம்பவத்தில் கைது செய்யப்பட்ட சந்தேக நபர்களின் அடையாள அணிவகுப்பு புதன்கிழமை 16.09.2020 இடம்பெறவுள்ளதாக பொலிஸார் தெரிவித்தனர்.

கொம்மாதுறை விநாயகர் வீதியை அண்டியுள்ள வீடொன்றில் இடம்பெற்ற அந்தச் சம்பவத்தில் செங்கலடி சந்தை வீதியைச் சேர்ந்த ரமணன் திவிராஜ் (வயது 15) எள்ற மாணவனே வெட்டிக் கொல்லப்பட்டிருந்தார்.

அந்தச் சம்பவம் தொடர்பாக மொத்தமாக 6 சந்தேக நபர்கள் தலைமறைவாகியிருந்த நிலையில் கைது செய்யப்பட்டிருந்தனர்.

அவர்களில் நால்வருக்கான அடையாள அணிவகுப்பே புதன்கிழமை 16.09.2020 ஏறாவூர் சுற்றுலா நீதிவான் நீதிமன்றத்தில் இடம்பெறவுள்ளது.

மேற்படி இடம்பெற்ற அந்தப் படுகொலைச் சம்பவத்தில் மாணவனான திவிராஜ் என்பவர் பலியானதுடன் அவரது உறவினர் இருவர் காயமடைந்த நிலையில் மட்டக்களப்பு போதனா வைத்தியசாலையில் அனுமதிக்கப்பட்டு சிகிச்சை பெற்று வருகின்றனர்.

செங்கலடி பிரதேசத்திலுள்ள பாடசாலையொன்றில் பத்தாம் தரத்தில் கல்வி பயிலும் செங்கலடி, கொம்மாதுறை ஆகிய பகுதிகளைச் சேர்ந்த மாணவர்களிடையே ஏற்பட்ட மோதலே இறுதியில் படுகொலையில் போய் முடிந்தது என்று அப்போது தெரிவிக்கப்பட்டது.

அந்தச் சம்பவம் தொடர்பாக மேலும் தெரியவிக்கப்பட்டதாவது, மாணவர்களிடையே ஏற்பட்ட மோதலைப்பற்றி வீட்டுக்குச் சென்று கூறியபோது காயமடைந்த மாணவனின் உறவினர்கள் இருவர் அன்றிரவு கொம்மாதுறை விநாயகர் வீதியிலுள்ள சம்மந்தப்பட்ட மற்றைய மாணவனின் வீட்டிற்கு சென்று மாணவர்களிடையே ஏற்பட்ட மோதல் தொடர்பாக பேசிக் கொண்டிருந்துள்ளனர்.

அப்போது ஏற்பட்ட கருத்து மோதல் வலுப்பெற்று வாள் வெட்டு நடத்தப்பட்டுள்ளது.

பாரிய வாள் வெட்டுக்குள்ளான செங்கலடியை சந்தை விதியைச் சேர்ந்த மாணவன் ரமணன் திவிராஜ் (வயது 15) சம்பவ இடத்திலேயே உயிரிழந்ததுடன் அவரது உறவினர்களான இருவரும் வெட்டுக் காயங்களுக்குள்ளாகியுள்ளனர்.

அந்தச் சம்பவம் தொடர்பாக ஏறாவூர்ப் பொலிஸார் சம்பவ இடத்துக்கு நேரடியாகச் சென்று விசாரனைகளை மேற்கொண்டதுடன் கொலைக்கு பயன்படுத்தப்பட்டதாகக் கருதப்படும் வாள் ஒன்றையும் கைப்பற்றியிருந்தனர்.

சம்பவம் தொடர்பாக சந்தேக நபர்களைக் கைது செய்து ஆயுதக் கலாசாரத்தை ஒழிக்குமாறு கோரி உறவினர்களாலும் பொதுமக்களாலும் ஆர்ப்பாட்டம் நடத்தப்பட்டது இங்கு குறிப்பிடத்தக்கது.

அதன் பின்னர் தேடப்பட்டு வந்த சந்தேக நபர்கள் தலைமறைவாகியிருந்த நிலையில் இம்மாதம் 02ஆம் திகதி கைது செய்யப்பட்டு நீதிமன்றத்தில் ஆஜர்படுத்தப்பட்டிருந்தனர்.

READ MORE | comments

அம்பாரை மாவட்ட ஒருங்கிணைப்புக் குழுக் கூட்டம்

 (பாறுக் ஷிஹான்)

அம்பாறை மாவட்ட ஒருங்கிணைப்புக்குழுக் கூட்டம் மாவட்ட ஒருங்கிணைப்புக் குழு இணைத்தலைவர்களான டப்ளியூ.டி.வீரசிங்க, கிழக்கு மாகாண ஆளுனர் அனுராதா ஜஹம்பத் ஆகியோரின் தலைமையில் இன்று (செவ்வாய்க்கிழமை) மாவட்ட செயலக ஏ.ஐ.விக்கிரம கேட்போர் கூடத்தில் நடைபெற்றது.

அம்பாறை மாவட்டச் செயலாளர் டி.எம்.எல்.பண்டாரநாயக்கவின் வரவேற்புரையுடன் ஆரம்பமான ஒருங்கிணைப்புக்குழுக் கூட்டத்தில், இணைத்தலைவர்களின் உரையையடுத்து மாவட்ட ஒருங்கிணைப்புக்குழுக் கூட்டம் நடத்துதல் தொடர்பான வழிகாட்டி கோவை முன்வைத்தலும் அனுமதித்தலும் நடைபெற்றது.

கூட்டத்தில் அம்பாரை மாவட்ட நாடாளுமன்ற உறுப்பினரும் வன பரிபாலன இராஜாங்க அமைச்சருமான விமலவீர திசாநாயக்க, நாடாளுமன்ற உறுப்பினர்களான வைத்திய கலாநிதி திலக் ராஜபக்ச, பைசல் காசிம், எம்.என்.முஸாரப், த.கலையரசன் ஆகியோரும், கிழக்கு மாகாண சபை தவிசாளர் சந்திரதாச கலபதி, கிழக்கு மாகாண பிரதம செயலாளர் துசித்த பி வணிகசிங்க, மேலதிக அரசாங்க அதிபர் வி.ஜெகதீசன் உள்ளிட்டோரும் கலந்து கொண்டனர்.

அத்துடன், கல்முனை, அக்கரைப்பற்று மாநகர சபைகளின் முதல்வர்கள், நகர சபைகள், பிரதேச சபைகளின் தவிசாளர்கள், மாகாண சபை அமைச்சுக்களின் செயலாளர்கள், திணைக்களங்களின் தலைவர்கள், பிரதேச செயலாளர்கள், பிரதி, உதவித் திட்டமிடல் பணிப்பாளர்கள், பொலிஸ், இராணுவ, கடற்படை, விமானப்படை அதிகாரிகள் உள்ளிட்ட பலரும் கலந்து கொண்டனர்.

இன்றைய கூட்டத்தில், மாவட்ட ஒருங்கிணைப்புக்குழுவின் அங்கீகாரத்துக்கு வழங்கப்பட்ட செயற்திட்டங்களுக்கான அனுமதி வழங்கல், மாவட்டத்தின் அபிவிருத்தி வேலைத்திட்டங்களின் முன்னேற்றத்தை முன்வைத்தல், ஆகியவற்றுடன், பிரதேச மட்டத்திலான பிரச்சினைகளும் ஆராயப்பட்டன.

குறிப்பாக, மியாங்கொட குளம், வாய்க்கால் வழியினை மறுசீரமைப்புச் செய்தல், லாகுகலை முதல் பாணமைக்கு மாற்றுப் பாதை ஒன்றினை நிர்மாணித்தல், நிந்தவூர் கடற்கரை கடலரிப்பு தவிர்ப்பு நடவடிக்கை, அம்பாரை நகர எல்லையிலுள்ள குளத்தைச் சுற்றிய நிலங்களை விடுவித்தல், ஆலையடிவேம்பு மாவட்ட வைத்திய சாலையின் குடிநீர்ப்பிரச்சினை, கோமாரி மாவட்ட வைத்தியசாலைக்கு வழங்கப்படும் குடிநீர் அளவினை அதிகரித்தல், தீகவாபி வைத்தியசாலைக்கு புதிய கட்டடம் அமைத்தல், தபாலகத்தினை வேறு கட்டத்திற்கு நகர்த்துதல் உள்ளிட்ட பிரச்சினைகள் கலந்துரையாடப்பட்டன.

அத்துடன், தேசிய வீடமைப்பு அதிகார சபை மூலம் அம்பாரை மாவட்டத்தில் வீடமைப்புக் கடன்கள் வழங்கப்பட்டு அவற்றுக்கான முதலாவது கட்டக் கொடுப்பனவுகள் மாத்திரம் வழங்கப்பட்டுள்ளமை தொடர்பில் ஆராயப்பட்டது.

READ MORE | comments