மதுஷின் கூட்டாளி வீட்டில் இராணுவ சீருடைகள், ரவைகள் மீட்பு!

டுபாயில் கைது செய்யப்பட்டுள்ள இலங்கையின் பிரபல பாதாளக் குழு தலைவரான மாக்கந்துர மதுஷின் பிரதான துப்பாக்கிதாரியின் கம்புறுப்பிட்டிய வீட்டிலிருந்து இராணுவ சீருடைகள், ரி-56 துப்பாக்கி ரவைகள் 21 உள்ளிட்ட பொருட்கள் நேற்று மீட்கப்பட்டதாக மாத்தறை குற்றவிசாரணைப் பிரிவினர் தெரிவித்துள்ளனர்.

இராணுவத்தின் முன்னாள் லான்ஸ் கோப்ரல் ஒருவரின் வீட்​டிலிருந்தே குறித்தப் பொருட்கள் கண்டுபிடிக்கப்பட்டுள்ளதுடன், பன்னிப்பிட்டிய பிரதேச வீடொன்றிலிருந்த 7000 மில்லியன் ரூபாய் பெறுமதியான இரத்தினக்கல் கொள்ளை சம்பவத்தின் போது பயன்படுத்தப்பட்ட கைவிலங்கினையும் பொலிஸார் மீட்டுள்ளனர். இதன்போது சந்தேகநபரின் 53 வயடைய தந்தை குறித்த வீட்டிலிருந்து கைதுசெய்யப்பட்டுள்ளதுடன் இவர் நீதிமன்றில் ஆஜர்படுத்தப்படவுள்ளார்.