பிரகாசமான ஐசோன் வால் நட்சத்திரம்! - இன்று முதல் இலங்கையில் தெரியும்.

மிகப்பிரகாசமான ஐசோன் வால் நட்சத்திரத்தை இன்று முதல் எதிர்வரும் 28 ஆம் திகதி வரை இலங்கையில் வெற்றுக்கண்களால் பார்க்கும் வாய்ப்புக் கிடைக்கும் என்று தொழில்நுட்பவியல் ஆராய்ச்சி மற்றும் அணுசக்தி அமைச்சு தெரிவித்தது. நூற்றாண்டின் வால்நட்சத்திரம் என பெயரிடப்பட்டுள்ள இந்த வால்நட்சத்திரம் சூரியனை மெதுமெதுவாக நெருங்கி வருகிறது. எதிர்வரும் 28 ஆம் திகதி இது சூரியனுக்கு மிக நெருக்கமாக செல்லும்.

கிழக்கு வானில் அதிகாலை 5.00 மணி அளவில் இதனைக் காண வாய்ப்பு இருப்பதாக அறிவிக்கப்பட்டுள்ளது. 2012 ஆம் ஆண்டே இந்த வால்நட்சத்திரம் கண்டுபிடிக்கப்பட்டது. இதற்கு ஐசோன் என பெயரிடப்பட்டது. வால்நட்சத்திரம் தென்படுகையில் சூரியன் உதயமாகியிருந்தால் வெற்றுக் கண்களினால் அதனை பார்ப்பதை தவிர்க்குமாறும் கோரப்பட்டுள்ளது.