( எம்.ஐ.எம்.அஸ்ஹர் )
ஓட்டமாவடி , பதுரியா , மாஞ்சோலை இஹ்ஸான் விளையாட்டுக் கழகத்தின் வருடாந்த சிரேஸ்ட வீரர்களுக்கிடையில் அல் ஹிரா வித்தியாலய விளையாட்டு மைதானத்தில் ஒழுங்கு செய்யப்பட்டிருந்த இஹ்ஸான் அல்ரா லெஜன்ஸ் அணிக்கு எதிரான போட்டியில் நாணய சுழற்சியில் வெற்றி பெற்று முதலில் துடுப்பெடுத்தாட களமிறங்கிய பதுரியா , மாஞ்சோலை இஹ்ஸான் சுப்பர் லெஜன்ஸ் விளையாட்டு கழகம் 15 ஓவர்களில் 9 விக்கட்டுக்களை இழந்து 203 ஓட்டங்களைப் பெற்றது.
பதிலுக்கு துடுப்பாடிய இஹ்ஸான் அல்ரா லெஜன்ஸ் அணி 14.4 ஓவர்களில் சகல விக்கட்டுக்களையும் இழந்து 150 ஓட்டங்களை மாத்திரமே பெற்றுக் கொண்டனர்
இப்போட்டியில் மாஞ்சோலை இஹ்ஸான் சுப்பர் லெஜன்ஸ் சார்பில் நஜீம் 4 ஓவர்கள் பந்து வீசி 26 ஓட்டங்களுக்கு 2 விக்கட்டுக்களையும் , இஹ்ஸான் அல்ரா லெஜன்ஸ் அணி சார்பில் அமீர் 3 ஓவர்கள் பந்து வீசி 22 ஓட்டங்களுக்கு 2 விக்கட்டுக்களையும் கைப்பற்றினர்.
இப்போட்டியில் ஆட்ட நாயகனாக மாஞ்சோலை இஹ்ஸான் சுப்பர் லெஜன்ஸ் அணியை சேர்ந்த நஜீம் தெரிவு செய்யப்பட்டார்.
ஓட்டமாவடி , பதுரியா , மாஞ்சோலை இஹ்ஸான் விளையாட்டுக் கழகத்தின் தலைவர் ஏ.றிபாஸ் தலைமையில் இடம்பெற்ற மேற்படி நிகழ்விற்கு ஓட்டமாவடி பிரதேச சபை தவிசாளர் ஏ.எம்.நௌபர் கலந்து கொண்டு வெற்றியீட்டிய வீரர்களுக்கு கிண்ணங்களையும் பரிசில்களையும் வழங்கி வைத்தார்.
0 comments: