ஒவ்வொரு தொடரிற்கும் புதிய தலைவர் – இலங்கை அதிகாரியின் சர்ச்சை கருத்து

ஒவ்வொரு போட்டித்தொடரிற்கும் ஒவ்வொரு அணித்தலைவரை நியமிக்கவேண்டும் என இலங்கை கிரிக்கெட் கட்டுப்பாட்டுச்சபை கருதுவதாக அதன் அதிகாரியொருவர் வெளியிட்டுள்ள கருத்திற்கு கடும் எதிர்ப்பு எழுந்துள்ளது

இலங்கை கிரிக்கெட் கட்டுப்பாட்டுச்சபையின் பிரதம நிறைவேற்று அதிகாரியான ஆஸ்லி டி சில்வா என்பவரே இவ்வாறு கருத்து தெரிவித்துள்ளார்.
தொடர்ச்சியாக ஒருவரை தலைவராக நியமிக்காமல் ஒவ்வொரு தொடரிற்கும் தலைவi நியமிக்கவேண்டும் என கட்டுப்பாட்டுச்சபை கருதுவதாக அவர் குறிப்பிட்டுள்ளார்
இந்த கருத்திற்கு முன்னாள் அணித்தலைவர் மகேலஜயவர்த்தன கடும் கண்டனம் வெளியிட்டுள்ளார்
இலங்கை கிரிக்கெட் கட்டுப்பாட்டுச்சபையின் நிலைப்பாடு இதுவாகயிருந்தால் எவ்வாறு தொடர்ச்சியை பேணமுடியும் என அவர் கேள்வி எழுப்பியுள்ளார்
இதேவேளை இந்த கருத்தை சாடியுள்ள மற்றுமொரு நபர் ஓவ்வொரு தொடரிற்கும் புதிய தலைவரை நியமிப்பது போன்று ஓவ்வொரு தொடரிற்கும் புதிய கட்டுப்பாட்டுச்சபை தலைவரை நியமிக்கவேண்டும் என தனது டுவிட்டரில் வேடிக்கையாக தெரிவித்துள்ளார்.