உலகின் மோசமான கிரிக்கெட் அணி நாட் பர்ஸ்ட் லெவன் வீரர்கள் அறிவிப்பு

உலகக் கோப்பை போட்டிகள் முடிந்த பிறகு பிரெண்டன் மெக்கல்லம் தலைமையில் ஐசிசி ஒரு சிறந்த உலகக் கோப்பை அணியை அறிவித்தது. 

உலகக்கோப்பை கிரிக்கெட் போட்டிதொடர் முடிவடைந்துள்ள நிலையில் உலக  கோப்பை 2015 -ன் ஐசிசியின் கனவு அணி அறிவிக்கப்பட்டுள்ளது.  இந்த அணியில் அறிவிக்கப்பட்டுள்ள வீரர்களின் விவரம் வருமாறு:- உலகக்கோப்பை 2015 ஐசிசி அணியின் கேப்டனாக நியூசிலாந்து அணியின் கேப்டன் பிரண்டன் மெக்கல்லம் தேர்வு செய்யபட்டுள்ளார். அவருடன் மார்டின் கப்தில் (நியூசிலாந்து), குமார் சங்ககரா (இலங்கை), ஸ்டீவன் ஸ்மித் (ஆஸ்திரேலியா), டி வில்லியர்ஸ் (தென்ஆப்பிரிக்கா), மேக்ஸ்வெல் (ஆஸ்திரேலியா), கோரி ஆண்டர்சன் (நியூசிலாந்து), போல்ட் (நியூசிலாந்து), வெட்டோரி (நியூசிலாந்து), மிட்செல் ஸ்ட்ராக் (ஆஸ்திரேலியா) மற்றும் மோர்னே மோர்கல் (தென்ஆப்பிரிக்கா) ஆகியோர் தேர்வு செய்யப்பட்டுள்ளார்கள். 12-வது வீரராக ஜிம்பாப்வேயின் பிரண்டன் டெய்லர் தேர்வு செய்யப்பட்டு உள்ளார். 

2015-ன் ஐசிசியின் கனவு அணியில் இந்திய அணி வீரர்கள் ஒருவருக்கு கூட இடம் கிடைக்கவில்லை

இதற்கு போட்டியாக  நியூசிலாந்து இணையதளம் ஒன்று மோசமான உலகக் கோப்பை அணி ஒன்றை நாட் பர்ஸ்ட் லெவன் (முதல் 11 பேர் அல்ல) 
 என்ற பெயரில் அறிவித்துள்ளது. ந்ல்ல வேலை இதிலும் இந்திய வீரர்கள் ஒருவரது பெயரும் இடம் பெற வில்லை

உலக கோப்பையில் மோசமாக விளையாடிய  வீரர்கள் கொண்ட பட்டியலை இந்த அணியில் வேடிக்கையாக அறிவித்து உள்ளது.இந்த அணிக்கு முதல் சுற்றில் வெளியேறிய இங்கிலாந்து அணியின் கேப்டன் இயன் மோர்கனை கேப்டனாக அறிவித்து உலகக் கோப்பை கிரிக்கெட் தொடரில் சரியாக செயல்படாத வீரர்கள் கொண்ட அணியை  அறிவித்துள்ளது.

இது குறித்து ஏ.என்.ஐ. செய்தி நிறுவனம் வெளியிட்டுள்ள விவரம் வருமாறு:

டிவைன் ஸ்மித் - தொடக்க வீரர் - வெஸ்ட் இண்டீஸ் (உலக கோப்பையில் எடுத்த ரன்கள் 93, சராசரி 15.5)

குவிண்டன் டி காக் - தொடக்க வீரர் - தென் ஆப்பிரிக்கா (145 ரன்கள், சராசரி 20.71)

கேரி பேலன்ஸ் - இங்கிலாந்து - (36 ரன்கள், சராசரி 9)

கிருஷ்ண சந்திரன் - ஐக்கிய அரபு எமிரேட் - (38 ரன்கள், சராசரி 7.6)

இயன் மோர்கன் - கேப்டன் இங்கிலாந்து - (90 ரன்கள், சராசரி 18)

ஷாகித் அப்ரிடி - பாகிஸ்தான் - (116 ரன்கள், சராசரி 23.2; 2 விக்கெட்டுகள்)

லுக் ரோன்க்கி - விக்கேட் கீப்பர் நியூசிலாந்து - (73 ரன்கள், சராசரி 12.16)

கெவின் ஓ பிரையன் - அயர்லாந்து - (408 ரன்கள் கொடுத்து 6 விக்கெட்டுகள்)

ஸ்டூவர்ட் பிராட் - இங்கிலாந்து - (4 விக்கெட்டுகள், சராசரி 63.50)

மிட்செல் மெக்லினாகன் - நியூசிலாந்து - (0/68)

கிமார் ரோச் வெஸ்ட் இண்டீஸ் - (1 விக்கெட் 150 ரன்கள் கொடுத்து)

பயிற்சியாளர்: பீட்டர் மோர்ஸ் - இங்கிலாந்து