முழுமையாக முகத்தை மூடும் தலைகவசத்துக்கு இன்று முதல் தடை

உந்துருளிகளின் பயணிப்போர், முழுமையாக முகத்தை மறைக்கும் தலைகவசத்தை அணிவதற்கு விதிக்கப்பட்டுள்ள தடை, இன்று முதல் அமுல்படுத்தப்படவுள்ளதாக காவற்துறை ஊடக பேச்சாளர் ருவன் குணசேகர தெரிவித்துள்ளார்.

இந்த சட்டத்தை மீறுகின்றவர்களுக்கு எதிராக அபராத சீட்டு வழங்க நேரிடும் என அவர் குறிப்பிட்டுள்ளார்.

இதேவேளை, முழுமையாக முகத்தை மறைக்கும் தலை கவச தடைக்கு எதிராக, மாத்தறையில் உள்ள மனித உரிமை ஆணைக்குழு அலுவலகத்தில் நேற்று முறைப்பாடொன்று முன்வைக்கப்பட்டிருந்தது.

மாத்தறை இளைஞர் பௌத்த சங்கம் மற்றும் ஊடகவியலாளர்கள் சிலர் இந்த முறைப்பாட்டை முன்வைத்திருந்தனர்.

குறித்த தடையின் மூலம், தமது உயிருக்கு ஆபத்து நிலை ஏற்பட்டுள்ளதாக அந்த முறைப்பாட்டில் குறிப்பிடப்பட்டுள்ளது.

முகத்தை முழுமையாக மூடிய தலைகவச தடையானது தேசிய பிரச்சினையாக மாறியிருப்பதன் காரணமாக இதனை மனித உரிமை ஆணைக்குழு தலைமையகத்திற்கு அனுப்ப உள்ளதாக அதன் பேச்சாளர் ஒருவர் குறிப்பிட்டார்.