வடக்கு கிழக்கு உட்பட நாட்டில் நடைமுறைப்படுத்தப்பட்ட சுமார் 7,000 வீதி நிர்மாணத் திட்டங்கள் நிறுத்தப்பட்டுள்ளதாக போக்குவரத்து, நெடுஞ்சாலைகள் மற்றும் வெகுஜன ஊடக அமைச்சர் பந்துல குணவர்தன தெரிவித்துள்ளார்.
அரசாங்க தகவல் திணைக்களத்தில் நேற்று இடம்பெற்ற அமைச்சரவை தீர்மானங்களை அறிவிக்கும் செய்தியாளர் மாநாட்டிலேயே அமைச்சர் இதனைத் தெரிவித்துள்ளார்.
சீனாவின் Exim வங்கியிடமிருந்து கடன் பெறாததால் மத்திய அதிவேக நெடுஞ்சாலை நிறுத்தப்பட்டுள்ளதாகவும் அமைச்சர் குறிப்பிட்டார்.
“கடவத்தை முதல் மீரிகம வரையிலான 40 கிலோமீற்றர் தூரம், 158 பில்லியன் ரூபா செலவில் நிறைவு செய்ய திட்டமிடப்பட்டிருந்த வீதி நிறுத்தப்பட்டுள்ளது.
இப்போது இந்த வீதிக்கான மதிப்பிடப்பட்ட செலவு ரூ.265 பில்லியனாக உயர்ந்துள்ளது”.
“ஹங்கேரிய அரசாங்கம் இரண்டு மேம்பாலங்களுக்கு நிதியளிக்க ஒப்புக்கொண்டது மற்றும் கெட்டம்பே மற்றும் கொஹுவாலாவில் இரண்டைத் தொடங்கியது. ஆனால் கடனை மறுசீரமைக்கும் வரை ஹங்கேரிய அரசாங்கம் பாலங்கள் கட்டும் பணியை முடிக்க பணம் தராது”. எனவும் அமைச்சர் தெரிவித்துள்ளார்.
“ஆசிய அபிவிருத்தி வங்கியின் கடன் திட்டத்தின் கீழ் முதல் திட்டம் 2014 முதல் 2024 வரை 10 ஆண்டுகளாகும்.
800 மில்லியன் அமெரிக்க டொலர் மதிப்பிலான திட்டம். இதில் 3,055 கிராமப்புற வீதிகள் மற்றும் 400 நகர்ப்புற வீதிகள் உள்ளன.
“திட்டத்தின் இரண்டாம் கட்டம் 2017 இல் கையெழுத்தானது மற்றும் 2027 இல் நிர்மாணப் பணிகள் நிறைவு செய்யப்படவுள்ளதுடன், முதலீடு 900 மில்லியன் அமெரிக்க டொலர்களாகும். 3,055 கிராமப்புற வீதிகள் மற்றும் 340 நகர்ப்புற வீதிகள் உள்ளன.
இவை அனைத்தும் முடங்கியுள்ளன. கடனை மறுசீரமைக்காத வரை கடன் வழங்கப்படாது. சர்வதேச நாணய நிதியத்தின் நிபந்தனைகளின்படி சர்வதேச நம்பகத்தன்மையை அடைய முடியாவிட்டால், ஒரு நாடாக நாம் உலகத்துடன் எந்த வியாபாரத்தையும் செய்ய முடியாது” எனவும் அமைச்சர் மேலும் தெரிவித்துள்ளார்.
.jpeg)
0 comments: