எதிா்வரும் 24 மணி நேரத்தில் தென்கிழக்கு வங்காள விரிகுடாவில் (BOB) குறைந்த காற்றழுத்த தாழ்வு மண்டலம் உருவாக வாய்ப்புள்ளதாக வானிலை மையம் தெரிவித்துள்ளது.
இது மேலும் வலுவடைந்து, இலங்கையின் வடக்கு கடற்கரையை நோக்கி நகரும் என எதிர்பார்க்கப்படுகிறது.
தென்கிழக்கு பகுதியில் உருவாகவுள்ள குறைந்த காற்றழுத்த தாழ்வு மண்டலத் தாக்கம் காரணமாக கடல் பகுதியில் கடும் மழை மற்றும் காற்றின் வேகம் மணிக்கு 60-70 கிலோமீற்றா் வரை திடீரென அதிகரிக்கும் என எதிர்பார்க்கப்படுகிறது.
கடற்பரப்பில் மணிக்கு 60-70 கிலோமீற்றர் வேகத்தில் பலத்த காற்றுடன் கூடிய பலத்த மழை அல்லது இடியுடன் கூடிய மழை பெய்யக்கூடும் என்பதால், தென்கிழக்கு வங்காள விரிகுடா கடல் பகுதிக்கு இன்று (08) மாலை முதல் மறு அறிவிப்பு வரும் வரை கடற்படை மற்றும் மீனவ சமூகங்கள் செல்ல வேண்டாம் என அறிவுறுத்தப்படுகிறார்கள்.
இதற்கிடையில் சந்திப்பு. மேற்கு, சப்ரகமுவ, வடமேல் மற்றும் வடமாகாணங்களிலும் காலி மாத்தறை, கண்டி மற்றும் நுவரெலியா மாவட்டங்களிலும் நவம்பர் 08 மற்றும் 9 ஆம் திகதிகளில் மழையுடனான வானிலை மேலும் அதிகரிக்கும் என எதிர்பார்க்கப்படுகிறது.
மேல் மற்றும் சப்ரகமுவ மாகாணங்களிலும் கண்டி மற்றும் நுவரெலியா மாவட்டங்களிலும் சில இடங்களில் 150 மில்லிமீற்றருக்கும் அதிகமான பலத்த மழை பெய்யக்கூடும்.
அடுத்த 24 மணித்தியாலங்களில் வடமேல் மற்றும் வடக்கு மாகாணங்களிலும் மாத்தளை, காலி மற்றும் மாத்தறை மாவட்டங்களிலும் சில இடங்களில் சுமார் 100 மில்லிமீற்றர் அளவில் பலத்த மழை பெய்யக்கூடும்.
இடியுடன் கூடிய மழையின் போது தற்காலிகமாக பலத்த காற்று மற்றும் மின்னல் தாக்கங்களினால் ஏற்படக்கூடிய பாதிப்புகளை குறைத்துக்கொள்ள போதிய முன்னெச்சரிக்கை நடவடிக்கைகளை எடுக்குமாறு பொதுமக்கள் கேட்டுக்கொள்ளப்படுகிறார்கள்
0 Comments