க. பொ. த உயர்தரப்பரீட்சை முடிவுகள் வெளியீடு - தமிழ் பேசும் மாணவர்கள் முன்னணியில்

2015ஆம் ஆண்டுக்கான கல்விப்பொதுத்தராதர உயர்தரப்பரீட்சையின் பெறுபேறுகள் இன்று காலை வெளியாகியுள்ளன.

இந்தநிலையில் குறித்த பெறுபேறுகளை பரீட்சைகள் திணைக்களத்தின் இணையத்தளமான http://www.doenets.lk/exam/home.jsf  இல் பார்க்கமுடியும் என்று பரீட்சைகள் திணைக்களம் அறிவித்துள்ளது.

கடந்த ஓகஸ்ட் மாதம் 4ம் திகதி முதல் 29ம் திகதி வரை நடைபெற்ற க.பொ.த. உயர் தர பரீட்சை 2,180 பரீட்சை நிலையங்களில் நடைபெற்ற மேற்படி பரீட்சையில் 309,069 பரீட்சாத்திகள் தோற்றியிருந்தனர் என்பது குறிப்பிடத்தக்கது.

க.பொ.த உயர்தரப்பரீட்சை மீள்திருத்த விண்ணப்பங்கள் கோரப்பட்டுள்ளன

2015ஆம் ஆண்டு கல்விப்பொதுத்தராதர உயர்தரப்பரீட்சை முடிவுகள் வெளியாகியுள்ளநிலையில் மீள்திருத்தங்களுக்கான விண்ணப்பங்களும் கோரப்பட்டுள்ளன.

இதற்கமைய முடிவுகளின் திருப்தியில்லாத பாடசாலை மற்றும் தனிப்பட்ட பரீட்சாத்திகள் தமது மீள்திருத்த விண்ணப்பங்களை எதிர்வரும் பெப்ரவரி மாதம்  5ஆம் திகதிக்கு முன்னர் அனுப்பிவைக்குமாறு பரீட்சைகள் திணைக்களம் அறிவித்துள்ளது.

கணித பிரிவில் ரோயல் கல்லூரி மாணவன் முதலிடம்

2015 ஆம் ஆண்டின் கல்விப்பொதுத்தராதர உயர்தரப்பரீட்சை பெறுபெறுகளின்படி கணிதப்பிரிவில் கொழும்பு 7, ரோயல் கல்லூரியின் தசுன் ஜெயசிங்க என்ற மாணவர் முதலிடம் பெற்றுள்ளார்.

இந்தநிலையில் ஏனைய பிரிவுகளின் முதலிடம் பெற்றவர்களின் விபரங்கள் எதிர்பார்க்கப்படுகின்றன.

விஞ்ஞானப் பிரிவில் கம்பஹா மாவட்ட மாணவி முதலிடம்

2015ஆம் ஆண்டு கல்விப்பொதுத்தராதர உயர்தரப்பரீட்சை பெறுபேறுகளின்படி விஞ்ஞானப்பிரிவில், கம்பஹா ரட்னாவெலி மகளிர் வித்தியாலய மாணவி முதலிடம் பெற்றுள்ளார்.

தெபுலி உமேஷா கருணாவலபா என்ற மாணவியே விஞ்ஞான பிரிவில் அகில இலங்கை ரீதியில் முதலிடம் பெற்றுள்ளார்.

வர்த்தக பிரிவில் குருணாகல் மாவட்ட முஸ்லிம் மாணவன் முதலிடம்

2015 ஆண்டு கல்விப்பொதுத்தராதர உயர்தரப்பரீட்சை முடிவுகளின்படி வர்த்தக பிரிவில் முதலிடத்தை குருநாகல் மலியதேவ வித்தியாலம் பெற்றுள்ளது.

இதன்படி மலியதேவ வித்தியாலயத்தின் மாணவரான எப்.எம் அகில் மொஹமட் என்ற மாணவர் வர்த்தப்பிரிவில் அகில இலங்கை ரீதியில் முதலிடம் பெற்றுள்ளார்.

கலைப்பிரிவில் குருணாகல் மாவட்ட மாணவி முதலிடம்

2015ஆம் ஆண்டின் கல்விப் பொதுத் தராதர உயர்தரப் பரீட்சை முடிவுகளின் படி கலைப்பிரிவில் குருணாகல் மலியதேவ மகளிர் வித்தியாலயத்தின் மாணவி முதலிடம் பெற்றுள்ளார்.

ஜீவா நயனமாலி என்ற மாணவியே கலைப்பிரிவில் முதல் இடம்பெற்றுள்ளார்.

அகில இலங்கை ரீதியில் இரண்டாம் மூன்றாம் இடங்களை பெற்ற மாணவர்கள் விபரம்

2015ஆம் ஆண்டு கல்விப்பொதுத்தராதர உயர்தரப்பரீட்சையின் விஞ்ஞானப்பிரிவில் அகில இலங்கை ரீதியாக இரண்டாம் இடத்தை புத்தளம் ஜனாதிபதி விஞ்ஞான கல்லூரியின் மாணவர் ஜே.எம் மொஹமட் முன்சிப் பெற்றுள்ளார். 

ஜே.எம் மொஹமட் முன்சிப் புத்தளம் ஜனாதிபதி விஞ்ஞான கல்லூரி

மூன்றாம் இடத்தை கொழும்பு விசாகா வித்தியாலயத்தின் வத்சலா சிறிவர்த்தன பெற்றுள்ளார்.

கணிதப்பிரிவில் இரண்டாம் இடத்தை குருணாகல் மலியதேவ வித்தியாலயத்தின் தனஞ்செய திஸாநாயக்க பெற்றுள்ளார். மூன்றாம் இடத்தை இரத்தினபுரி சிவலி மத்திய கல்லூரியின் சச்சித் கஸ்தூரியாராச்சி பெற்றுள்ளார்.

வர்த்தகப்பிரிவில் அகில இலங்கை ரீதியில் இரண்டாம் இடத்தை கொழும்பு தேவிபாலிகா வித்தியாலயத்தின் சதனி இரங்கா வித்தானகே பெற்றுள்ளார். மூன்றாம் இடத்தை மொரட்டுவை சென் செபஸ்தியன் கல்லூரியின் ரன்தி ரமேஸ் சில்வா பெற்றுள்ளார்.

அகில இலங்கை ரீதியில் சிறந்த பெறுபேறுகளை பெற்ற மாணவர்களின் பெயர் பட்டியல்…

உயிரியல் விஞ்ஞான பிரிவு

1 ஆம் இடம் – கே.பி.ஜி. தெபுலி உமேஷா – கம்பஹா ரத்னாவலி மகளீர் கல்லூரி
2 ஆம் இடம் – ஜே.எம்.மொஹமட் முன்சீப் – புத்தளம் ஜனாதிபதி கல்லூரி
3 ஆம் இடம் – யசஸ்வி வத்சலா – கொழும்பு விசாகா மகளீர் கல்லூரி

கணித பிரிவு

1 ஆம் இடம் – தசுன் ஓஷத – கொழும்பு ரோயல் கல்லூரி
2 ஆம் இடம் – நதீஷான் தனன்ஜய – குருநாகல் மல்லியதேவ ஆண்கள் கல்லூரி
3 ஆம் இடம் – சவித் நில்மன்த்த – இரத்தினபுரி சீவலி மத்திய மகா வித்தியாலயம்

வணிக பிரிவு

1 ஆம் இடம் – எஸ்.எம்.அகில் மொஹமட் – குருநாகல் மல்லியதேவ ஆண்கள் கல்லூரி
2 ஆம் இடம் – சதனி இரங்கா – கொழும்பு தேவி பாலிக்கா கல்லுரி
3 ஆம் இடம் – ரன்தி ரமேஷ் – மொறட்டுவ புனித செபஸ்ட்டியன் கல்லூரி

கலைத் துறை

1 ஆம் இடம் – கே.ஏ.ஜீவா நயனமாலி – குருநாகல் மல்லியதேவ மகளீர் கல்லூரி
2 ஆம் இடம் – நிராஷா நதீஷானி – கண்டி புஷ்பதான மகளீர் கல்லூரி
3 ஆம் இடம் – பாத்திமா அம்ரா – கொழும்பு 07, சீ.எம்.எஸ்.மகளீர் கல்லூரி

பொறியியல் பிரிவு

1 ஆம் இடம் – ஷானக அநுராத – மாத்தளை புனித தோமியன் கல்லூரி
2 ஆம் இடம் – இஷார புந்திக்க – கொழும்பு ஆனந்தா கல்லூரி
3 ஆம் இடம் – பாலசுப்ரமணியம் ஞானகீதன் – யாழ். இந்து கல்லூரி

தொழில்நுட்பவியல் பிரிவு

1 ஆம் இடம் – வாசனா நவோதனி – பண்டாரவளை தர்மபால மகா வித்தியாலயம்
2 ஆம் இடம் – கருனைநாயகம் ரவீகரன் – யாழ். புனித ஜோன்ஸ் கல்லூரி
3 ஆம் இடம் – உபுலி அநுத்தரா – கேகாலை சுவர்ண ஜயன்த்தி மகா வித்தியாலயம்

• கிளிநொச்சி இந்துக் கல்லூரி விஞ்ஞான பிரிவில் முதலிடம்

க.பொ.த. உயர்தர பரீட்சை பெறுபேறுகள்! நுவரெலியா மாவட்டத்தில் தமிழ் மாணவி முதலிடம்!

உயர்தரப் பரீட்சையில் சாதித்தது மட்டக்களப்பு!