பியூ ஆராய்ச்சி மையம் மத சுயவிவர கணிப்பு தொடர்பான தகவல் வெளியிடப்பட்டு உள்ளது. ஆய்வில் 2050-ம் ஆண்டில் உலகின் 3-வது மிகப்பெரிய மக்கள்தொகை கொண்டவர்களாக இந்துக்கள் இருப்பர் என்று தெரிவிக்கப்பட்டு உள்ளது. இதே ஆண்டில் இஸ்லாமியர்கள் மக்கள் தொகையில் இந்தியா, இந்தோனேஷியாவை மிஞ்சும் என்றும் தெரிவிக்கப்பட்டு உள்ளது. உலக அளவில் இந்துமதத்தை சேர்ந்தவர்களின் மக்கள் தொகை 34 சதவீதமாக உயரும் என்று கணிக்கப்பட்டு உள்ளது. 2050-ம் ஆண்டில் மக்கள் தொகையானது 1 பில்லியனில் இருந்து 1.4 பில்லியனாக உயரும் என்றும் தெரிவிக்கப்பட்டு உள்ளது.
2050-ம் ஆண்டு இந்துக்கள் மக்கள் தொகை உலக அளவில் மூன்றாவது இடம் பிடிக்கும். உலக மக்கள் தொகையின் 14.9 சதவீதத்தை இந்து மதத்தினர் கொண்டு இருப்பார்கள், இதனையடுத்து எந்தஒரு மதத்தையும் சேராதவர்கள் 13.2 சதவித மக்கள் தொகையை கொண்டு இருப்பார்கள். உலகின் மொத்தமக்கள் தொகையைவிட இஸ்லாமிய மக்கள்தொகை வேகமாக வளரலாம், இந்துக்கள் மற்றும் கிறிஸ்தவர்களின் மக்கள்தொகையானது சுமாரான வேகத்துடன் இருக்கும். "இந்தியா தொடர்ந்து இந்துக்கள் மெஜாரிட்டியான நாடாக இருக்கும், அதேசமயம் அதிகளவு இஸ்லாமிய மக்களையும் கொண்டு இருக்கும். உலக அளவில் அதிகளவு இஸ்லாமிய மக்கள் வாழும் இந்தோனேஷியாவை இந்தியா மிஞ்சும்," என்று ஆய்வு அறிக்கையில் தெரிவிக்கப்பட்டு உள்ளது.
"அடுத்த நாற்பது ஆண்டுகளுக்கு, கிறிஸ்தவம் தொடர்ந்து பெரிய மத குழுவாக இருக்கும், ஆனால் இஸ்லாமிய மக்கள்தொகையானது மற்ற பெரிய மதங்களைவிட வேகமான வளர்ச்சியை கொண்டு இருக்கும்". 2050-ம் ஆண்டில் இஸ்லாமிய (2.8 பில்லியன், அல்லது மக்கள் தொகையில் 30 சதவிதம்) மற்றும் கிறிஸ்தவ (2.9 பில்லியன், அல்லது மக்கள் தொகையில் 31 சதவிதம்) மக்கள் தொகையின் இடையே சிறிய அளவிலேயே இடைவெளி இருக்கும். உலகம் முழுவதும் கிறிஸ்தவர்களுக்கு இணையாக இஸ்லாமியர்கள் எண்ணிக்கையும் இருக்கும். இதேநிலை தொடர்ந்து நீடித்தால் இஸ்லாமியர்களின் மக்கள் தொகையானது, 2070-ம் ஆண்டில் உலகில் அதிக மக்கள் தொகை கொண்ட மதமாக இஸ்லாமியம் இருக்கும்.
2010-ம் ஆண்டில் ஐரோப்பிய நாடுகளில் இஸ்லாமிய மக்கள் தொகையின் எண்ணிக்கை 5.9 சதவிதமாக இருந்தது. இதுவே 2050-ம் ஆண்டில் 10 சதவிதம் கொண்டு இருக்கும். இதே ஆண்டுகளில் ஐரோப்பாவில் இந்து மக்களின் எண்ணிக்கை இருமடங்கு ஆகும். புலம்பெயர்வு காராணமாக 1.4 (ஐரோப்பிய மக்கள் தொகையில் 0.2 சதவிதம்) மில்லியனில் இருந்து 2.7 (ஐரோப்பிய மக்கள் தொகையில் 0.4 சதவிதம்) மில்லியனாக இந்து மக்களின் எண்ணிக்கை ஐரோப்பாவில் இருக்கும். இதேபோல் வடக்கு அமெரிக்காவில் இந்து மக்களின் எண்ணிக்கை அதிகரிக்கும். 2010ம் ஆண்டில் 0.7 சதவிதமாக உள்ள மக்கள் தொகையானது 2050-ம் ஆண்டில் 1.3 ஆக உயரும் என்று தெரிவிக்கப்பட்டு உள்ளது.
மக்கள் வயது அதிகரிப்பு, நிலையான கருத்தரிப்பு விகிதம் ஆகியவை காரணமாக புத்த மதத்தை பின்பற்றும் நாடுகளிலும் மக்கள் தொகை அதிகரிக்கும் என்று எதிர்பார்க்கப்படுகிறது என்று தெரிவிக்கப்பட்டு உள்ளது.
0 Comments