ஐ.நா.வின் மனித உரிமைகள் மீதான மீளாய்வுகளின் போது, இலங்கையில் ஓரினச் சேர்க்கை உட்பட முறைசாரா பாலியல் செயற்பாடுகளுக்கு அங்கீகாரம் வழங்கப்படாதது குறித்து ஐ.நா. உறுப்பு நாடுகள் கேள்வி எழுப்பின.
இலங்கைச் சட்டத்தின்படி இவ்வாறான செயற்பாடுகளுக்கு பத்து ஆண்டுகால சிறைத் தண்டனை என்பது நடைமுறையில் உள்ளது.
ஐ.நா.வின் உறுப்பு நாடு என்ற வகையில் இவ்வாறான பாலியல் செயற்பாடுகள் சட்ட ரீதியாக, இலங்கையில் அங்கீகரிக்கப்பட வேண்டும் என ஐ.நா.வின் ஏனைய நாடுகள் கருத்து வெளியிட்டுள்ளன.
இதனை அமுல்படுத்த அரசு சம்மதித்துள்ளதையடுத்து, அதற்கான விதிமுறைகள் குறித்த கலந்தாலோசனைகள் நடைபெறவுள்ளன.
இந்நிலையில், இலங்கையில் ஓரினச் சேர்க்கை ஒருபோதும் அனுமதிக்கப்பட மாட்டாது என அண்மையில் சுகாதாரத் துறை அமைச்சர் ராஜித சேனாரத்ன கூறியுள்ளதைச் சுட்டிக் காட்டும் ஓரினச் சேர்க்கையாளர்கள், ஐ.நா.வின் பரிந்துரைகளை அரசு முழுமையாக அமுல்படுத்தவேண்டும் என்று கோரிக்கை விடுத்துள்ளனர்.
ஐ.நா. முன்வைத்த பரிந்துரைகளை ஏற்று இந்தோனேசியாவானது, இரண்டு மாதங்களுக்கு முன் , ஓரினச் சேர்க்கையைச் சட்ட ரீதியாக அங்கீகரித்துள்ளமையானது, இங்கே சுட்டிக்காட்டத்தக்கது.
0 Comments