வவுனியாவில் குளத்தில் குளிக்கச் சென்ற ஒரே குடும்பத்தைச் சேர்ந்த இருவர் உயிரிழப்பு

வவுனியாவில் நேற்று பிற்பகல் குளத்தில் குளிக்கச் சென்ற ஒரே குடும்பத்தைச் சேர்ந்த இருவர் உயிரிழந்த சம்பவம் இடம்பெற்றுள்ளதாக பொலிசார் தெரிவித்துள்ளனர்.

இச்சம்பவம் குறித்து இவர்களுடன் குளிக்கச் சென்ற சிறுவன் பொலிசாருக்கு தெரிவிக்கும்போது,

பிற்பகல் 2மணியளவில் மாமடு குளத்திற்கு குளிப்பதற்கு சென்ற ஒரே குடும்பத்தைச் சேர்ந்த உறவினர்கள் 4பேர் சென்றிருந்தோம். குளத்தில் கரை ஓரப்பகுதியிலிருந்து தண்ணீரைத்தட்டித் தட்டி ஒருவர் மீது ஒருவர் விளையாடிக்கொண்டிருந்தபோது இதில் இருவரான ஜெயப்பிரதாப் (வயது -26) திருமணமாகி இரண்டு மாதம் மற்றைய ஒன்றுவிட்ட சகோதரியான பானுரேகா 16வயதுடைய 2018ஆம் ஆண்டு சாதாரணப்பரீட்சைக்குத் தோற்றவுள்ள மாணவி ஆகிய இருவரும் குளத்தின் ஆழத்திற்கு இழுத்துச் செல்லப்பட்டபோது மற்றைய இருவரும் வெளியே சென்று அயலவர்களின் உதவியை நாடியதுடன் குளத்தில் மூழ்கிய இருவரையும் தேடி மீட்டுள்ளதுடன் அருகிலுள்ள மாமடுவ பிரதேச வைத்தியசாலைக்கு எடுத்துச் செல்லப்பட்டனர்.

அங்கிருந்து மேலதிக சிகிச்சைக்காக வவுனியா பொது வைத்தியசாலைக்கு எடுத்துச் செல்லும் வழியில் உயிரிழந்துள்ளதாக வைத்தியர்கள் தெரிவித்துள்ளனர்.

இது தொடர்பான மேலதிக விசாரணைகளை பொலிசார் மேற்கொண்டு வருகின்றனர்.