மகிந்த- மைத்திரி அணிகளுக்கிடையில் நாளை மீண்டும் பேச்சு!

ஶ்ரீ லங்கா சுதந்திரக் கட்சி மற்றும் ஒன்றிணைந்த எதிர்க்கட்சிக்கு இடையில் நாளை மீண்டும் கலந்துரையாடல் ஒன்று இடம்பெறவுள்ளது. நேற்று இரவு இரு தரப்பிலுமுள்ள விஷேட பிரதிநிதிகளுக்கு இடையில் இடம்பெற்ற சந்திப்பின் போதே, இந்த முடிவு எடுக்கப்பட்டுள்ளதாக தெரியவந்துள்ளது. இரு தரப்பினரது யோசனைகள் தொடர்பிலும் நேற்று இரவு நீண்ட பேச்சுவார்த்தை நடத்தப்பட்டுள்ளது.

இதன்போது, ஒன்றிணைந்த எதிர்க்கட்சியினர் முன்வைத்த யோசனை குறித்து, ஜனாதிபதிக்கு தெரியப்படுத்தி, நாளை இடம்பெறவுள்ள சந்திப்பில் இது குறித்து தொடர்ந்தும் பேச்சுவார்த்தை நடத்தி தீர்மானிக்கப்படும் என, நேற்றைய கலந்துரையாடலில் பங்கு பற்றிய பிரதிநிதி ஒருவர் கூறினார். ஐக்கிய தேசியக் கட்சியுடன் இணைந்திருக்கின்றமையால் ஶ்ரீ லங்கா சுதந்திரக் கட்சியுடன் ஒன்றாக செயற்படுவதில், ஒன்றிணைந்த எதிர்க்கட்சிக்கு சிக்கல் காணப்படுவதாக, அவர் மேலும் குறிப்பிட்டுள்ளார். மக்கள் ஏற்றுக் கொள்ளக் கூடிய இணக்கப்பாடு எட்டப்படுமானால், எதிர்வரும் தேர்தலில் ஒன்றிணைந்து போட்டியிடுவது குறித்து ஆராய்ந்து பார்க்க முடியும் எனவும், அவர் கூறியுள்ளார்.