ஆசிரியர் சேவைக்குள் உள்ளீர்ப்பு செய்யப்படாத பட்டதாரிகள் ஆர்ப்பாட்டம்

திருகோணமலையில் ஆசிரியர் போட்டிப் பரிட்சையில் சித்தியடைந்தும் ஆசிரியர் சேவையில் உள்ளிர்ப்பு செய்யப்படாத அனைவருக்கும்  நியமனம் வழங்குமாறு கோரி  திருகோணமலையில் வேலையற்ற பட்டதாரிகள் இன்று(25) மாலை  ஆர்ப்பாட்டத்தில் ஈடுபட்டுள்ளார்கள்.

கிழக்கு மாகாண வேலையற்ற பட்டதாரிகளுக்கு ஆசிரியர் சேவைக்குள் குள்ளீர்க்கும் போட்டிப் பரிட்சையில் சித்தியடைந்த பட்டதாரிகளுக்கு ஆசிரீயர் நியமனம் வழங்கும் நிகழ்வு இன்றைய தினம்(25) கிழக்கு மாகாண ஆளுனர் ரோகித்த போகொல்லாகம தலைமையில் நடைபெற்று வரும் நிலையில் வெளியில் நூற்றுக்கும் மேற்பட்ட பட்டதாரிகள் தமக்கும் வேலை வாய்ப்பு கோரி ஆர்ப்பாட்டத்தில் ஈடுபட்டார்கள்.


இதன் போது ஆர்ப்பாட்ட காரர்களை பொலிஸார் களைந்து செல்லுமாறு கூறியும் ஆர்ப்பாட்ட காரர்கள் ஆர்ப்பாட்டத்தினை முன்னெடுத்து வருகின்றனர்.